Hovenier nga Mitrovica: Asociacioni nuk do të ketë kompetenca ekzekutive!
Asoacioni i komunave me shumicë serbe i propozuar nga zyrtarët e lartë perëndimorë duhet të jetë në përputhje me Kushtetutën aktuale të Kosovës dhe nuk duhet të ketë kompetenca ekzekutive, siguroi Ambasadori i Shteteve të Bashkuara në Prishtinë, Jeffrey Hovenier, duke shtuar se vetëm Gjykata Kushtetuese e Kosovës mund të vendosë për kushtetutshmërinë e Drafit të propozuar.
“Pozicioni i SHBA-së ka qenë i qartë. Asoacioni duhet të jetë në përputhje me Kushtetutën aktuale të Kosovës, duhet të jetë në përputhje me vendimin e Gjykatës Kushtetuese, nuk duhet të jetë nivel i tretë pushteti, nuk duhet të ketë kompetenca ekzekutive. Nuk e duam edhe një Republika Sërpska. Nuk duam diçka që ka ndikim negativ në funksionim të shtetit të Kosovës,” tha Ambasadori Hovenier pasi edhe Këshilli Evropian ritheksoi se pret nga Qeveria e Kosovës ta formoj Asociacionin ndërkohë i pyetur nëse Drafti mund të pësoj ndryshime, Ambasadori amerikan shtoi:
“Kjo është pyetje për të dërguarin e BE-së për dialogun Kosovë-Serbi, Miroslav Lajçak, mendoj se ai i ka thënë Qeverisë së Kosovës dhe të tjerëve se është i hapur për komente. Mirëpo ekipi i Lajçakut, me mbështetje të SHBA-së, kanë punuar nga afër në këtë draft, për të garantuar se i përmbush të gjitha kushtet që i përmenda. A ka vend për përmirësime? Ndoshta. Por, nuk duhet humbur kohë në specifika për të humbur momentumin, për të ecur përpara me Asociacionin,” tha Ambasadori i SHBA në Kosovë, Jeffrey Hovenier, pas një bashkëbisedimi me studentë në Mitrovicë.
Ndryshe, Drafti i Statutit për Asociacionin e komunave me shumicë serbe iu është prezantuar Prishtinës dhe Beogradit në mujain tetor. Kryeministri i Kosovës, Albin Kurti, dhe Presidenti i Serbisë, Aleksandar Vuçië, janë shprehur se ai Draft ishte i pranueshëm, por asgjë nuk ka lëvizur përpara pasi palët kanë filluar me kushtëzime.
