Hristijan Mickoski prezanton Programin dhe Qeverinë e re të Maqedonisë Veriut
Kryetari i VMRO-DPMNE dhe i mandatuari për Kryeministër të Maqedonisë Veriore, Hristijan Mickoski, sot prezantoi në parlament programin dhe qeverinë e re e cila pritet të votohet nesër deri në mesnatë.
“Po vjen ora kur atdheu duhet të bëjë më shumë për qytetarët. Secili prej jush ka bërë gjithçka për atdheun tuaj, tani është koha që ajo të bëjë për ju. Situata në vend është afër vdekjes klinike, institucionet janë çuar në rrënim dhe mosfunksionim.
Ne do të përgjigjemi me vendosmëri dhe publiku do të informohet për gjithçka. joftoj menjëherë nisjen e furishme të investimeve. Nga e martja njoftoj një investim prej 400 milionë eurosh dhe më pas do të ulim taksat dhe do të rrisim pensionet,” ishte zotimi i Hristijan Mickoskit i cili do të drejtoj qeverinë e tij me 23 ministra.
Sipas Rregullores së Parlamentit të Maqedonisë së Veriut, seanca është paraparë të zgjasë maksimumi dy ditë, përkatësisht të përfundojë më së voni deri në mesnatën e nesërme, ndërkohë vetëm për sot janë paraqitur të flasin 31 deputetë, 7 të koalicionit të LSDM-së, 8 nga VMRO-DPMNE, 4 nga VLEN, 6 nga BDI dhe 3 nga ZNAM dhe E Majta.
Për zgjedhjen e Qeverisë së re duhet të votojnë 61 deputetë ndërkohë VMRO DPMNE me partnerët e saj të koalicionit “Maqedonia Ime” ka arritur të krijojë mazhorancën prej 58 deputetëve.
Kështu, Ministër i Punëve të Brendshme është propozuar, Pançe Toshkoski ndërsa i Mbrojtjes, Vllado Misajllovski. Ministria e Punëve të Jashtme dhe Tregtisë pritet të drejtohet nga Timço Mucunski, ndërsa Ministria e Transportit nga Aleksandar Nikolovski, i cili është propozuar edhe Zv/ryeministër. Ministria e Financave do të drejtohet nga Gordana Dimitrieska Koçoska, e Energjetikës nga Sanja Bozhinovska, ndërsa e Arsimit nga Vesna Janevska.
Koalicioni VLEN, që përbëhet nga katër parti shqiptare, në Qeverinë e re do të drejtojë gjashtë ministri. Zv/Kryeministri i parë dhe ministër i Ekologjisë pritet të jetë Izet Mexhiti, Ministër i Politikës Sociale, Demografisë dhe të Rinjve, Besar Durmishi ndërsa Ministër i Ekonomisë dhe Punës, Fatmir Limani.
Ministër i Shëndetësisë është propozuar Arben Taravari, Ministër për Eurointegrime, Orhan Murtezani ndërsa Arben Fetai pritet të jetë Zv/Kryeministër.
Ministrinë për Marrëdhënie mes Bashkësive Etnike pritet të jetë Ivan Stoilkoviç nga Partia Demokratike Serbe. Me Stoilkoviçin ministër, Rusia dhe Presidenti i Serbisë, Aleksandar Vuçiç, futen edhe zyrtarisht në Qeverinë e Maqedonisë Veriut, pasi ai është dhe bashkëpunëtori i ngushtë i Moskës zyrtare dhe Vuçiçit, si dhe i Presidentit të Republika Srpska, kriminelit serb Milorad Dodik.
Ndryshe, pas zgedhjeve parlamentare të 8 majit, VMRO-DPMNE doli fituese me 58 deputetë ndërsa ndër shqiptar Fronti Europian me 18 deputetë. POr VMRO-DPMNR vendosi që koalicionin qeverisë ta krijoi jo me fituesin por me koalcionin shqiptar VLEN që fitoi 14 mandate për deputetë.
Aktualisht, Fronti Evropian vazhdon ta kundërshtoj këtë veprim të VMRO-DPMNE dhe ka paralajmëruar masa për të ndaluar këtë mosrespektim të votës qytetare.
