Humb jetën një 40-vjeçar, bie nga lartësia duke punuar në një ndërtesë

Një 40-vjeçar ka humbur jetën tragjikisht në Golem të Kavajës pasi ka rënë nga një lartësi e madhe. Policia bën të ditur se ngjarja ka ndodhur në Golem, ku 40-vjeçari punonte në një objekt në rikonstruksion. Ai është dërguar në spital por për shkak të dëmtimeve nuk ka mundur të mbijetojë.

Grupi hetimor po vijon punën për sqarimin e rrethanave të ngjarjes

Informacioni paraprak i policisë

Në Golem, më datë 22.10.2019, në një objekt në rikonstruktim ka rënë nga lartësia  shtetasi D. H., 40 vjeç, banues në Durrës, i cili u dërgua për ndihmë mjeksore në Spital.

Si pasojë e dëmtimeve të marra, shtetasi D. H ka ndërruar jetë në spital.

Grupi hetimor po vijon punën për sqarimin e rrethanave të ngjarjes.