Humb jetën një prej të plagosurve në aksidentin e djeshëm…

Një prej personave të aksidentuar mbrëmjen e djeshme në aksin Fushë Krujë-Vorë ka humbur jetën. Në aksidentin e ndodhur ku u përfshinë dy automjete mbetën të plagosur 4 persona.

Ajo është 65 vjeçarja Zana Brunga dhe ka ndërruar jetë pas plagëve të rënda që kishte marrë nga përplasja e makinave.

Një mjet tip “Ford” me targa DR 1631 F është përplasur me një “Golf” me targa TR 9433 M.

Dyshohet se shkak i aksidentit është bërë një parakalim i gabuar. Grupi hetimor ka mbërritur në vendngjarje dhe po punon për zbardhjen e rrethanave të aksidentit.

Një dëshmitar, i cili ka fotografuar makinat e përplasura në një mesazh për “JOQ” thotë se janë plagosur disa persona, ndërsa një vajzë ishte në gjendje të rëndë.