Humbës sipas sondazheve/ Hakmarrja, Edi Rama padit Kryetarin e Bashkisë Kavajë

Pas padisë së bërë nga Inspektorati Kombëtar i Mbrojtjes së Territorit,
Kryetari i Bashkisë Kavajë, Isa Sakja, ka reaguar duke theksuar se Edi Rama konkretizoi me letra sulmin e tij verbal të ndërmarrë ndaj tij pak javë më parë. Arsyje është e thjeshtë:

“Të gjitha sondazhet që bëri në Kavajë, me disa kandidatë të tij, i dalin që të gjithë humbës përballë meje, zgjodhi rrugën e përdhosjes së emrit tim dhe kërcënimin me burg,” tha Isa Sakja në reagimin e tij përmes rrjetit social Facebook duke e bërë të qartë se asnjëri nga skenaret nuk e frikëson:

“Ju përshëndes duke ju siguruar se të gjithë skenaret komunisto-puçiste, nga futja e armëve ne kishe e deri tek linëimi publik i kundërshtarëve politike, i kam të njohur nga historia, ndaj nuk më impresionojnë e as më frikësojnë dot.”

Në fund, Isa Sakja, tha se ai do të vazhdoj të përmbush misionin e drejtimit të Bashkisë Kavajë me të njejtën dashuri, pasion e përkushtim, siç ka bërë deri tani.

Ja postimi i plotë:

Sot, Edi Rama konkretizoi me letra sulmin e tij verbal te ndermarre ndaj meje pak jave me pare.

Ne hall, ngaqe te gjithe sondazhet qe beri ne Kavaje, me disa kandidate te tij, i dalin qe te gjithe humbes perballe meje, zgjodhi rrugen e perdhosjes se emrit tim dhe kercenimin per burg.

Eshte sulm tipik i tij; fillimisht ben akuzen verbalisht, pastaj formulon akt-akuzen.

Nuk jam opozitari i pare i sulmuar prej tij, por nese Edi Rama vazhdon te jete ne krye te qeverise nuk do jem as i fundit. 

Te dashur miq, 

Ju pershendes duke ju siguruar se te gjithe skenaret komunisto-puciste, nga futja e armeve ne kishe e deri tek lincimi publik i kundershtareve politike, i kam te njohur nga historia, ndaj nuk me impresionojne e as me frikesojne dot.

Keni patur mundesi qe te me njihni pergjate me pak se dy vite ne drejtim te Bashkise Kavaje, se per nga natyra jam optimist.

Une besoj se ne kete vend ka ende gra e burra qe nuk jane vegla qorre te tij, edhe pse qe te gjithe jemi nen presion dhe kercenim.

Une besoj tek grate e burrat qe e duan Shqiperine me te njejtin pasion qe une e dua ate, e luftojne per nje te ardhme te Shqiperise me demokraci te vertete te fjales, mendimit, besimit e veprimit.

Une do te vazhdoj te permbush misionin tim te drejtimit te Bashkise Kavaje me te njejten dashuri, pasion e perkushtim, sic kam bere deri tani.