Humbje e madhe e kamerës dhe fotografisë shqiptare. Ndërron jetë…
Ka ndërruar jetë në moshën 82 vjeçare, Ilia Tërpini, një nga figurat më të rëndësishme të historisë së kamerës dhe fotografisë shqiptare.
Syri i kamerës së Ilia Tërpinit ishte ndër të parët në filmat shqiptarë ndërsa ka lënë gjurmë në ngjarjet më të rëndësishme të historisë shqiptare.
Tërpini ka lindur në një mjedis artistesh, në Hoçisht të Korçës dhe për punën e tij është nderuar me medalje të ndryshme: Artist i merituar, Medaljen e punës, Çmimin e Republikës, medalje në 6 festivale të filmit, çmim kombëtar për fotografinë artistike dhe mban Urdhrin “Mjeshtër i madh”.
Gjatë karrierës së tij numërohen me qindra bashkëpunime dhe filma artistik. Disa nga filmat më të njohur janë: Dimri i fundit, Ballë për ballë, I teti në bronx, Mësonjtorja, Flutura në kabinën time.
Regjisori dhe bashkëpunëtori i tij Kujtim Gjonaj, me anë të një postimi në Facebook duke dhënë lajmin për humbjen e madhe të kamerës dhe fotografisë shqiptare thekson se Ilia kishte vajtur në Paris për një kontroll rutinë dhe Parisi i artit dhe i kulturës e mori në gjirin e tij, artistin e madh. Ja dhe postimi i plotë:
SOT MU LARGUA NJE MIK I MIRE!
Nje telefonate nga Zhani Terpini,djali i mikut tim gati gjysem shekullot Ilia Terpini, me kumtoi lajmin e keq dhe te hidhur…Ilia na la…Kishte shkuar ne Paris per nje kontroll rutine dhe Parisi i artit dhe kultures, e mori ne gjirin e tij artistin e madh.Sot, atje ne qyteti e endrave artistike,pushoi se rrahuri zemra e nje njeriu te madh,e nje miku te mire,e nje bashkpuntori dhe kolegu te afte,e nje artisti te shquar, qe zorr se mund ti afrohet perkushtimit te tij ndonje kineast tjeter.U shua Ilia Terpini, njeriu qe ia perkushtoi tere jeten, deri ne sekondat e fundit ,artit me te ri ,por nga me te dashurit,artit filmik.Kinemaja shqiptare humbi nje nder artistet e saj me te shquar,familja njeriun e dashur,ne miqte dhe koleget e tij njeriun e apasionuar dhe te pa pertuar. Lamtumire miku dhe bashkpuntori im afert Ilia ,Dashuria yte per artin, ishte aq e madhe, sa dhe shpirti te fluturoi ne qiell mbi qytetin e madh te artit.Paris!
