Hungaria ngeli pa naftën ruse. Serbia e Vuçiçit është e lidhur me këtë naftësjellës

Rrjedhja e naftës bruto ruse në Hungari u ndalua pasi Ukraina sulmoi stacionin e transformatorit të naftësjellësit Druzhba, tha sot ministri i Jashtëm hungarez Peter Szijjarto.

Hungaria importon pjesën më të madhe të naftës së saj përmes naftësjellësit Druzhba, i cili transporton naftën bruto ruse përmes Bjellorusisë dhe Ukrainës në Hungari dhe Sllovaki.

Një goditje për sigurinë energjetike të Hungarisë
Peter Szijjarto u shpreh përmes rrjetit social Facebook se foli me Zv/Ministrin rus të Energjisë, Pavel Sorokin, i cili i tha se ekspertët po punojnë për të restauruar stacionin e transformatorit, por se nuk është e qartë se kur do të rifillojnë dërgesat.

“Ky sulm i fundit ndaj sigurisë sonë energjetike është i skandaloz dhe i papranueshëm,” tha Szijjarto por nuk tha se kur dhe ku ndodhi sulmi.

“U është thënë për vite me radhë se Rusia është një partnere e pabesueshme”
Ministri i Jashtëm ukrainas Andrii Sibiha, as nuk e konfirmoi dhe as nuk e mohoi sulmin, por përmes rrjetit social X tha se se Hungaria tani mund të ankohet në Moskë, por jo në Kiev.
“Rusia, jo Ukraina, e filloi këtë luftë dhe refuzon ta përfundojë atë. Hungarisë i është thënë për vite me radhë se Moska është një partnere e pabesueshme. Pavarësisht kësaj, Hungaria po bën çdo përpjekje për të ruajtur varësinë e saj nga Rusia,” u shpreh Andrii Sibiha.

Peter, it is Russia, not Ukraine, who began this war and refuses to end it. Hungary has been told for years that Moscow is an unreliable partner. Despite this, Hungary has made every effort to maintain its reliance on Russia. Even after the full-scale war began. You can now send… https://t.co/yvMq8slTG0

— Andrii Sybiha 🇺🇦 (@andrii_sybiha) August 18, 2025

Ndërprerje të përkohshme në furnizimin me naftë ruse

As Ministria e Mbrojtjes e Ukrainës dhe as kompania hungareze e naftës MOL nuk kanë sqaruar situatën e krijuar, ashtu si edhe rafineria sllovake Slovnaft, e cila merr naftë bruto ruse përmes të njëjtit gazësjellës.

Ndryshe nga shumë vende të tjera të BE-së, Hungaria ka mbajtur lidhje të ngushta politike dhe biznesi me Rusinë dhe ka vazhduar të mbështetet në energjinë ruse që kur Moska pushtoi Ukrainën në shkurt 2022.

Vitin e kaluar, Szijjarto tha se gazësjellësi Druzhba do të mbetej rruga kryesore e Hungarisë për importimin e naftës bruto.

Pati gjithashtu një ndërprerje të përkohshme javën e kaluar, kur më 13 gusht, ushtria ukrainase njoftoi se dronët e tyre kishin goditur stacionin e pompimit të naftës Uniecha në rajonin Bryansk të Rusisë.

Moska e zemëruar

Sulmi ukrainas ndaj naftësjellësit Druzhba e zemëroi gjithashtu Moskën, gjë që nuk është për t’u habitur duke pasur parasysh se naftësjellësi është një nga levat kryesore të ndikimit rus në Hungari, si dhe në vendet përreth që varen nga importi i burimeve energjetike ruse.

Zëdhënësja e Ministrisë së Punëve të Jashtme Ruse, Maria Zakharova, e dënoi Kievin për sulmin, duke thënë se “regjimit të Kievit i mungojnë frenat”, raporton Agjencia e ruse e lajmeve TASS.

Serbia po ndërton një lidhje me Druzhbën
Përndryshe, Serbia fqinje po ndërton gjithashtu një lidhje me naftësjellësin Druzhba në Hungari, me qëllim që të zvogëlojë varësinë e saj nga naftësjellësi që shkon në rafinerinë e Pançevës nga Omišli i Kroacisë, dhe kështu nga infrastruktura energjetike kroate.

Kjo lidhje duhet të përfundojë deri në vitin 2028. Megjithatë, pasoja e saj do të jetë një varësi edhe më e madhe e Serbisë nga nafta ruse.