Hyn në fuqi Akti Normativ/ Koronavirusi, Rama: Në dispozicion edhe spitalet private. Moszbatimi…

Ashtu siç paralajmëroi dje, Kryeministri Edi Rama bëri të ditur sot se ka hyrë në fuqi Akti Normativ me masat më të ashpëra kundër koronavirusit, të cilat do të vlejnë, siç tha ai, deri në përfundim të luftës.

Sipas këtij Akti do të vendosen në shërbim të shëndetësisë të gjitha strukturat private spitalore, hoteliere, ambulatore, autoambulancat dhe personeli përkatës shëndetësor. Dhe, sipas Kryeministrit, kush nuk zbaton urdhrin do të gjobitet deri në 5 milionë lekë, si dhe do të vihet forcërisht në shërbim të shëndetësisë.

AKTI NORMATIV HYRI NË FUQI DHE NGA SOT KA FORCËN E LIGJIT DERI NË PËRFUNDIMIN E LUFTËS

Ndër të tjera:

-NË VARËSI TË DINAMIKËS SË SPITALIZIMIT TË TË PREKURVE NGA COVID-19, ME URDHËR TË MINISTRIT PËRGJEGJËS PËR SHËNDETËSINË, VENDOSEN NË DISPOZICION EDHE STRUKTURAT PRIVATE SPITALORE, AMBULATORE, HOTELIERE, AUTOAMBULANCAT DHE PERSONELI PËRKATËS, SHËNDETËSOR E MBËSHTETËS.

-MOSZBATIMI I KËTIJ URDHËRI DËNOHET ME GJOBË NË MASËN 5 000 000 (5 MILIONË) LEKË. NË RAST MOSBINDJEJE PAS VENDOSJES SË GJOBËS, STRUKTURA PËRKATËSE VENDOSET FORCËRISHT NË DISPOZICION TË SHËRBIMIT PUBLIK SHËNDETËSOR DHE PERSONELI PËRKATËS ËSHTË I DETYRUAR TË SHËRBEJË NËN DREJTIMIN SHTETËROR TË STRUKTURËS GJATË GJITHË KOHËZGJATJES SË INFEKSIONIT.

Kryeministri Edi Rama paralajmëroi edhe ata që abuzojnë me çmimet e ushqimore, barnave dhe pajisjeve mjekësore.