Hysen Maxhun Osmanaj, Qytetar Nderi i Bashkisë Tropojë

Hysen Maxhun Osmanaj është shpallur edhe zyrtarisht Qytetar Nderi i Bashkisë Tropojë.

“Për vlerat e tij si njeri, duke respektuar e çuar përpara vlerat Atdhetare, shtëpia e tij është vlerësuar si para dhe gjatë luftës për veprimtari patriotike të spikatur,” thuhet në motivacionin e Këshillit Bashkiak Tropojë që nderoi këtë figurë të njohur patriotike shqiptare të Tropojës dhe jo vetëm.

Tropoja gjithmonë ka nderuar emra të heronjve të mëdhenj ndërkohë me këtë dekorim Malësia e Gjakovës u bë edhe më e madhe duke nderuar një emër të madh si Hysen Maxhuni.

I lindur në 29 Mars 1925, në një familje me tradita patriotike dhe kontribut të madh për çështjen kombëtare, Hysen Maxhuni ka kaluar një jetë nga një aktivist për çlirim të atdheut deri sa u shpall edhe kulak nga regjimi komunist.

Hysen Maxhuni në moshën e rinisë mori pjesë në Luftën Nacional Çlirimtare, njëkohësisht ka mbajtur dhe detyren e drejtuesit kryesor të rinisë së Qarkut Kukës, Gjakovë dhe Malësisë së Gjakovës. Por familja e Hysenit si shumë familje të mëdha patriotike janë goditur nga regjimi komunist, dhe përveç se e përjashtojnë nga partia, familje e tij e shpallin kulak. Falë zotësisë dhe përkushtimit intelektual të Hysenit, famija e tij i mbijetoj këti regjimi të egër.

Shtëpia e Familjes së Hysen Maxhunit, që ka pritur dhe përcjellur shumë personalite të kohës që luftonin për çështjen kombëtare nga Isa Boletini, Shota dhe Azem Galica, Dem Alipozhari e Bajram Curri, është djegur tre herë herë.

Për veprimtari patriotike të kësaj familje, në shtëpinë ku heroi i popullit Bajram Curri ka jetuar dhe ka kryer veprimtari patriotike, dhe ku ka lindur djali i tij për shpirt dhe ministri i ardhshëm i Arsimit, Prof.Dr.Rexhep Krasniqi, i është akorduar pllakata me mbishkrimin “Shtëpia ku ka jetuar dhe kryer veprimtari patriotike heroi i popullit, Bajram Curri”.

Hysen Maxhuni ka 30 vjet që ka ndërruar jetë por në çdo odë tropojane dhe jo vetëm, vazhdon dhe permendet emri dhe veprimtaria e tij.

Me rastin e 30 vjetorit të vdekjes, Këshilli Bashkiak i Tropojës i akordoi Hysen Maxhun Osmanajt titullin “Qytetar Nderi i Tropojës”