Hyzmeqarët e SHIK-ut/ Sot vazhdon beteja në Parlament; Burdushi: Molliqaj me hajmali!

Sot Ish-Deputetët e Vetëvendosjes që me lejen e Kadri Veselit kanë krijuar edhe Grup Parlamentar të partisë jashëtparlamentare, PSD, përveç interpelancës së kërkuar sot në Parlament me kryeministrin Ramush Haradinaj dhe ministrin e Zhvillimit Ekonomik, Valdrin Lluka, kanë paralajmëruar vazhdimin me akuza kundër deputetëve të Lëvizjes Vetëvendosje si dhe sqarimit të deputetes Aida Dërguti, së cilës i janë dashur dy ditë për t’iu përgjigjur kreut të Grupit Parlamentar të Vetëvendosjes, Glauk Konjufca, nëse ishte apo jo bashkëpunëtore e SHIK-ut.

Dhe në këtë fushatë të hyzmeqarëve të SHIKU-ut u fut si pa dashje edhe Hoxhë Hysri Peqani i njohur si Burdushi. Deputeti i PSD-së, Dardan Molliqaj, duke sqaruar mbrëmë në Interaktiv në KTV akuzat kundër Glauk Konjufcës, për SHIK-un, kaloi dhe në plan personal duke e pyetur publikisht Konjufcën:

“E kam një pyetje publike për Glaukun. A ka qenë te Burdushi? Nëse po sa herë ka qenë dhe pse?” tha Molliqaj duke e konsideruar skandaloz faktin nëse figurat politike qajnë hallet te Burdushi.

“Për mua është skandaloze, që figura publike që marrin vendime për qytetarët dhe vendin qajnë hallet te Burdushi,”  tha Molliqaj.

Pas kësaj deklarate, Dardan Molliqaj e mori përgjigjen nga Hoxhë Hysri Peqani, Burdushi:

“Çudi si ka drejt ky Molliqaj me folë në emër tim. Po çka po të intereson ty se kush vjen te unë.. është etike, për askënd nuk tregohet se kush vjen te unë,” tha Burdushi, përmes rrjetit social Facebok duke përfunduar:

“Edhe mos harro se edhe ti Dardan Molliqaj i ke hajmalit në shpi, e ti se din!”

Ndryshe, Hysri Peqani i njohur si Burdushi, është arrestuar me akuzën për “mashtrim” dhe aktualisht mbrohet në liri.