I dërguari i Edi Ramës në PD, Lulzim Basha, vazhdon thërmimin e Partisë Demokratike

I dërguari i Edi Ramës në Partinë Demokratike, Lulzim Basha, pasi arriti ta ndajë PD-në në baza krahinore, tashmë ka vazhduar thërmimin e partisë në veri duke mbledhur mëkëmbësit e tij antiverior për këshillime të mëtejme në prag të zgjedhjeve lokale, në mënyrë që të garantohet fitorja e Partisë Socialiste.

“Sot u zhvillua një takim i kryetarëve të degëve të Veriut, në qytetin historik të Krujës. Ishte një takim ku të gjithë shprehëm mendimet për situatën në vend dhe mundësitë e zgjidhjes së këtij ngërçi politik në të cilin ndodhemi. Diskutimet ishin të frytshme dhe shpresëdhënëse për të ardhmen!” thekson përmes rrjetit social Facebook, pas takimit i cili u zhvillua në Krujë, Kryetari i PD të Lulzim Bashës Dega Shkodër, Xhevdet Amuli, i cili arriti të ndërsej kundër kandidatit të PD, Bardh Spahia, të gjithë deputetit e PD por jo të cenoj dhe fitoren e Bardh Spahisë, aktualisht kryetar i Bashkisë Shkodër.

Ndërsa Kryetari i Lulzim Bashës në Malësinë e Madhe, Anton Kokaj, që arriti me përpikëri të realizoj direktivat në përçarjen e Partisë Demokratike e sheh foton e përbashkët të mëkëmbësve veriorë të Bashës dhe Kunatit si drita e diellit që ndriçon të ardhmen.

“Në Krujën e vogël, por me histori të madhe. Bashkë me drejtuesit e demokratëve të veriut të Shqipërisë në një takim miqësor, por dhe të frytshëm. Ashtu siç dinë veç demokratët të flasin, debatojnë dhe të jenë të hapur. Një takim i vlefshëm me një foto që drita e diellit duket se i ndriçon të ardhmen.”

Në mungesë të rrugëzgjidhjeve politike, si gjithmonë, nga Skënderbeu i Gaz Bardhit edhe pse tashmë në Krujë, mësohet se në kulmin e “zbulimit” të kryetarëve të degëve të Partisë Socialiste me ndërtimet pa leje në qendër të Tiranës, Lulzim Basha ka sqaruar mëkëmbësit e tij se propagandimi nga viti i kaluar se “nuk ka më tokë e xanun në PD” ishte një shkarje në nerva e sipër me Sali Berishën; Dhe, ata që do të vazhdojnë me ndërtime madhore pa leje në periudhën tranzitore deri sa të blehen satelitët për kontrollin e territorit, vërtetë nuk do të lejohen, siç e ka thënë Kryeministri i Tiranës, Durrësit dhe gjithë Shqipërisë, Edi Rama, si ndërtues në “tokë të xanun”, ama mund të vazhdojnë ndërtimin në “tokë të zënur”!

Ndryshe, deri në shpalljen e vendimit të Gjykatës së Apelit nga Edi Rama, burime brenda takimit bëjnë të ditur se Lulzim Basha ka bërë thirrje për durim deri sa komunistin Sali Berisha ta nxjerrin nga selia e PD, dollarët e Vladimir Putinit!