I dha tenderin 100 milionësh një firme në sekuestro, ja reagimi i Erion Veliajt

Bashkia e Tiranës ka reaguar lidhur me akuzat e PD-së, sipas të cilës institucioni i drejtuar nga Erjon Veliaj, i ka dhënë tenderin 100 milionësh për uniformat e Policisë Bashkiake një firme që ndodhet në sekuestro dhe që ka vetëm 1 punëtor.

Por sipas Bashkisë, firma në momentin e dorëzimit të dokumenteve, nuk ka qenë nën sekuestro.

Bashkia ka bërë publike një dokument të lëshuar nga Tatimet që provon këtë pretendim të Erjon Veliajt.

Ndërkohë nuk thuhet gjë lidhur me numrin e punonjësve që ka kjo kompani, e cila sipas PD ka vetëm 1 të siguruar.