I gjithë Fieri në Burg/ “Hakmarrja Rama”, Baçi: Vazhdojnë arrestimet. Ja lista me 100 të tjerë…

Qytetarët e Fierit e shpallën “non grata” kryeministrin Edi Rama, por ai vazhdon fushatën e hakmarrjes edhe pas një nate terrori policor, nga qyteti i Fierit deri në Mallkastër.

Mëngjesin e sotëm, kryetari I Partisë Demokratike Dega Fier, Luan Baçi, ka publikuar listën me 100 emra të tjerë që policët e Ish-Gjeneral Sandër Lleshajt kanë marr urdhër ti arrestojnë:

“Vazhdon fushata, e arrestimeve dhe shoqërimeve në polici, për Fierakët. Arsyeja pse protestuan, kundër Krye M. Nuk kanë shkelur asnjë ligj, nuk kanë kryer asnjë krim, por Krye M, ka kërkuar hakmarrje,” thekson Luan Baçi në reagimin e tij duke publikuar listën me 100 të tjerë.
Por policët e Ish-Gjeneralit nuk u mjaftuan me ata që janë në listë:

“Kanë arrestuar dhe Enkelejd Kafaranin, Vladimir Zykajn, që nuk janë në këtë listë, janë dhe shumë të tjerë, që po përndiqen,” tha kryetari i Partisë Demokratike Dega Fier, i cili e cilëson aksionin e policisë një hakmarrje politike të Edi Ramës për turpërimin që iu bë në Fier :

“Protestuesit janë me mijëra. Ku do t’i mbani? A ka vend në burgjet tuaja për të gjithë popullin?” shprehet Luan Baçi duke i bërë thirrje edhe një herë Drejtorit të Përgjithshëm të Policisë që të mos i terrorizon qytetarët fierak ndërsa përfundon:

“Ata nuk kanë bërë asgjë, ata thjeshtë protestuan, për më shumë punë për shumë siguri, për varfërinë e tyre dhe arsyeja e vetme është ky Kryeministër ilegjitim.”

Ndryshe, kryetari i Partisë Demokratike Dega Fier, Luan Baçi, mbrëmë ka bërë të ditur se Edi Rama e filloi hakmarrjen të shtunën  duke arrestuar 10 persona ,dje arrestoi 8 të tjerë ndërsa është përgatitur lista me 120 persona, të cilët policia po i kërkon lagje më lagje për ti arrestuar. Në këtë operacion të hakmarrjes së Edi Ramës për “mikpritjen” që i bënë fierakët, kanë arrestuar edhe persona që rastësisht janë ndodhur në Fier dhe i janë bashkuar protestës.