I kemi thënë Izraelit, Putin: S’ka prova që Irani dëshiron të prodhojë armë bërthamore!

Rusia disa herë i ka thënë Izraelit se nuk ka prova që Irani ka për qëllim të prodhojë armë bërthamore, tha Presidenti rus Vladimir Putin një intervistë për Agjencinë e lajmeve “Sky News Arabia”.

“Si Rusia, ashtu dhe Agjencia Ndërkombëtare për Energjinë Bërthamore, IAEA, nuk kanë pasur kurrë prova se Irani po përgatitet për të prodhuar armë bërthamore, gjë që ja kemi bërë me dije disa herë udhëheqësisë izraelite,” tha Vladimir Putin një intervistë për Agjencinë e lajmeve “Sky News Arabia”.

“Rusia është e gatshme për ta mbështetur Iranin në zhvillimin e një programi bërthamor paqësor,” tha Putin duke shtuar se Irani ka të drejtën legjitime për ta bërë një gjë të tillë.

Në Forumin ekonomik që u zhvillua në Shën Petersburg, Putin tha dje se Rusia e ka idenë se si duhet të ndalohet gjakderdhja në konfliktin izraelito-iranian, por nuk dha detaje rreth arritjes së kësaj mrekullie paqësore.