I kërkuar nga Franca, shqiptari u fsheh për 6 vjet në Angli! Si tentoi të merrte dokumentet…

Një shqiptar, i kërkuar në Francë, arriti të fshihej në Britaninë e Madhe, për 6 vjet duke u përpjekur të merrte leje qëndrimi.

Nando Ismalaj, 42 vjeç, është arrestuar nga Policia Metropolitane si i kërkuar në Francë për vjedhjen e gjashtë makinave dhe tani përballet me ekstradimin nga Britania e Madhe, teksa ndodhet në paraburgim, raporton BW.

Arrestimi i tij vjen gjashtë vjet pasi ai hyri ilegalisht në Mbretërinë e Bashkuar në vitin 2018. Që atëherë ai ka jetuar në Britani pa asnjë status apo të drejtë ligjore për të qëndruar.

Ai dy herë u përpoq të siguronte statusin e vendosur sipas skemës pas Brexit për qytetarët e BE-së, pasi u martua me një grua rumune që kishte të drejtë të qëndronte në Mbretërinë e Bashkuar.

Por kërkesa e tij u refuzua, duke e lënë atë në rrezik për t’u deportuar në Shqipëri.

Ismalaj më pas nisi një apel ligjor kundër refuzimit për t’i dhënë atij statusin e vendbanimit me bazën se ishte shkelje e të drejtave të tij të njeriut sipas nenit tetë të Konventës Evropiane për të Drejtat e Njeriut, e drejta për respektimin e familjes dhe jetës private.

Ai pretendoi se e drejta e tij dhe e gruas për jetë familjare do të cenohej nga shpërngulja e tij në vendlindjen e tij, Shqipëri, sepse ajo nuk kishte qenë kurrë në vend dhe do të vuante për shkak të paaftësisë së saj për të folur gjuhën.

Një gjykatës në gjykatën e lartë të imigracionit hodhi poshtë pretendimet e tij se çifti do të përballej me “vështirësi serioze” nëse ai do të dëbohej në Shqipëri.

Gjyqtari e pranoi ankesën dhe e ktheu çështjen përsëri në gjykatën më të ulët për t’u ridëgjuar mbi bazën se nuk kishte pasur një ushtrim të plotë të gjetjes së fakteve dhe kishte pasur një gabim ligjor.

Pas këtij vendimi, raporton BW, Nando Ismalaj u arrestua nga Policia Metropolitane dhe u la në paraburgim nga magjistratët e Westminsterit për t’u përballur me ekstradimin në Francë për akuzën e vjedhjes së gjashtë makinave.