Tubimet i kishte lemeri, Edi Rama mbyll homazhet për Kadarenë: Në Tufinë do ta përcjellin vetëm familjarët!

Kryeministri i Skodrës, Himar dhe gjithë Shqipërisë, Edi Rama, duke mbyll sot homazhet me fjalimin e lamtumirës nga shkrimtari i madh, Ismail Kadare, bëri publik dhe amanetet e tij të fundit.

“Ne i kemi vetëm, një detyrim t’ia respektojmë ikjen duke i dhënë në kohën e vendin e duhur një banesë të fundit ku të mos ndjehet i kërkuar as nga fqinjësia që e kishte lemeri e as nga nderimet e tubimet që i kishte llahtari. Sa për sot është kërkesë legjitime e Helenës që vendosja e përkohshme e trupit të tij në Tufinë të bëhet vetëm me pjesëmarrjen e familjarëve. Ju kërkoj mbylljen e homazheve!”

Me këtë rast, Edi Rama hodhi poshtë propozimin që Ismail Kadare të prehet pranë vëllezërve Frashëri ndërsa tregoi dëshirat e vetë shkrimtarit.

“Ismail Kadare e meriton të prehet në një banesë të fundit që të jetë vetëm e tija, jo me dëshmorët sepse ai nuk kishte qelizë as gatishmëri për të rënë dëshmor. Jo me vëllezërit Frashëri që ishin të paktët që respektonin, se nuk ja kanë borxh t’i bëjnë vend dhe nuk na i ka borxh që ta lëmë në atë vetminë e tij. Jo tek parku përballë Rogner as te parku i Kryeministrisë.”