I la 4 vjet në çadra, PD: Durrës, në prag fushate PS mbledh Këshillin Bashkiak për fondet e tërmetit!
Partia Socialiste i la katër vjet në çadra, por me fillimin e fushatës zgjedhore, kandidatja e kësaj partie kriminale, Emirjana Sako, u kujtua për qytetarët që i ka shpërfilluar që nga tërmeti i nëntorit 2019 në Durrës, dhe mbledh me urgjencë Këshillin Bashkiak për fondet e tërmetit. Denoncimin për këtë shkelje ligjore të kryebashkiakes socialiste e ka bërë sot Kryetari i PD Dega Durrës, Dritan Burgija, duke rikujtuar se për abuzim me fondet në fushatë zgjedhore ajo është gjobitur nga Komisioni Shteteror i Zgjedhjeve edhe në zgjedhjet e kaluara.
“Duke zvarritur procesin dhe fondet që i akordohen, kryebashkiakja e Durrësit pret zgjedhjet të miratoje grantet dhe listat e përfituesve duke zhvilluar mbledhje të Këshillit Bashkiak, të thirrura jashtë rradhe, në urgjencë, e duke shkelur Kodin Zgjedhor,” shprehet Drtian Burgija duke rikujtuar se Neni 91 paragrafi 4 ndalon shprehimisht ndarjen e fondeve publike në favor të zgjedhësve për një periudhe kohore prej 4 muaj para datës së zgjedhjeve, por ky nuk është halli i përfaqësueses së një partie që nuk çanë kokën për ligjin.
“Sigurisht që halli i Sakos është i madh dhe ndonëse është përsëritëse në shkelje, nuk ndalet të përdorë të njëjtat mënyra të cilat janë denoncuar nga PD, shoqëria civile dhe janë gdhendur në raportin e OSBE/ ODIHR,” tha Kryetari i PD Dega Durrës, Dritan Burgija, duke përfunduar:
“Qytetarët durrsakë janë të lodhur dhe mezi presin t’u normalizohet jeta. Kopjet e vogla të qeverisë së korrupsionit dhe skandaleve në 14 Maj do marrin përgjigjen e merituar.”
Deklaratë:
Kanë kaluar katër vjet nga tërmeti i nëntorit 2019 por qytetarët e Durrësit vazhdojnë të jetojnë në çadra apo jashtë shtëpive të tyre.
Është e qartë për këdo që Shqipëria tanimë nuk është në kushtet e gjendjes së fatkeqësisë natyrore të tërmetit por qytetarët e prekur nga kjo fatkeqësi ndodhen në gjendjen e fatkeqësisë së shkaktuar nga keqqeverisja dhe abuzimi me pushtetin dhe fondet publike.
Qytetarët durrsakë vazhdojnë të përplasen dyerve të bashkisë sepse u duhen përsëri për votimet e rradhës së kryebashkiakes.
Duke zvarritur procesin dhe fondet që i akordohen, kryebashkiakja e Durrësit pret zgjedhjet të miratoje grantet dhe listat e përfituesve duke zhvilluar mbledhje të Këshillit Bashkiak, të thirrura jashtë rradhe, në urgjencë, e duke shkelur Kodin Zgjedhor. Neni 91 paragrafi 4 ndalon shprehimisht ndarjen e fondeve publike në favor të zgjedhësve për një periudhe kohore prej 4 muaj para datës së zgjedhjeve.
Komisioni Shteteror i Zgjedhjeve e ka gjobitur dhe në zgjedhjet e kaluara Emirjana Sakon për shkelje te tilla.
Sigurisht që halli i Sakos është i madh dhe ndonëse është përsëritëse në shkelje, nuk ndalet të përdorë të njëjtat mënyra të cilat janë denoncuar nga PD, shoqëria civile dhe janë gdhendur në raportin e OSBE/ ODIHR.
Qytetarët durrsakë janë të lodhur dhe mezi presin t’u normalizohet jeta.
Ata nuk do falin asnjë minutë të abuzimit të pushtetit me fatkeqesinë e tyre.
Kopjet e vogla të qeverisë së korrupsionit dhe skandaleve në 14 Maj do marrin përgjigjen e merituar.
