I lidhur me oligarkun rus, Ish-agjenti i FBI-së, McGonigal sot deklarohet fajtor

Ish-agjenti i lartë i FBI-së, Charles McGonigal, sot pritet të deklarohet fajtor për akuzat se ka fshehur 225.000 dollarë pagesa në cash nga një ish-oficer i inteligjencës shqiptare, i cili u bë burim në një hetim të FBI-së, tregojnë të dhënat e gjykatës.

Charles McGonigal, raporton Reuters. i cili drejtoi divizionin e kundërzbulimit të FBI-së në New York përpara se të tërhiqej në vitin 2018, është planifikuar të paraqitet në një seancë për pranimin e fajësisë në gjykatën federale të Uashingtonit në orën 14:00, (18:00 GMT).

Ai u deklarua fajtor për një akuzë konspirative në gjykatën federale në Manhattan muajin e kaluar në një rast të veçantë në lidhje me punën e tij për oligarkun rus Oleg Deripaska ndërsa Deripaska ishte nën sanksionet e SHBA.

McGonigal përballet me një padi prej nëntë pikash në Uashington, duke e akuzuar atë për dështimin për të raportuar pagesat në para dhe udhëtimet që ai bëri me ish-oficerin e inteligjencës në Evropë në 2017 dhe 2018. Ai më parë u deklarua i pafajshëm për këto akuza.

Një paragraf hyrës në dosjen e gjykatës tregoi se McGonigal synon të ndryshojë sot kërkesën e tij. Ai nuk specifikoi se për cilat akuza do të deklarohej fajtor.

Avokati i McGonigal dhe një zëdhënës i Zyrës së Prokurorit të SHBA në Washington nuk pranuan të komentojnë përpara seancës.

Prokurorët amerikanë thonë se ish-oficeri shqiptar i inteligjencës kishte interesa biznesi në Evropë dhe ishte një burim për një hetim të FBI-së që përfshinte lobim të huaj të cilin e mbikëqyrte McGonigal.

Akuzat më të rënda kundër McGonigal mbartin një dënim maksimal prej 20 vitesh burg, por ka të ngjarë që prokurorët do të kërkojnë një dënim më të butë si pjesë e një marrëveshjeje për pranimin e fajësisë.