I painformuar, Komisioneri Varhelyi: I kënaqur që Kryeministri mirëpret opinionin e Komisionit të Venecias!

Komisioneri për Zgjerimin pranë BE, Oliver Varhelyi, ka reaguar sot pas deklaratës së Kryeministrit Edi Rama, por siç duket dukshëm i painformuar, ai është i kënaqur që Kryeministrit mirëpret opinionin e Komisionit të Venecias për ndryshimet kushtetuese të Kodit Zgjedhor:

“Kodi zgjedhor i Shqipërisë: I kënaqur që Kryeministri mirëpret opinionin e Komisionit të Venecias për ndryshimet kushtetuese të korrikut. Prandaj do të ishte e matur të presim që të dorëzohet para rivotimit në Parlament. Pres zgjedhje të lira dhe të ndershme në prill 2021,” thekson Komisioneri Varhelyi.

Por çfarë thotë Edi Rama që Oliver Varhelyi është i kënaqur?!

Pas kërkesës së djeshme të Komisionerit për Zgjerimin, Oliver Varhelyi, drejtuar Edi Ramës dhe Parlamentit që të presë opinionin e Komisionit të Venecias para se të rivotojnë ndryshimet e Kodit Zgjedhor, Kryeministri Edi Rama u shpreh qartë se e mirëpret Venecian, por për një ligj të votuar dhe të refuzuar nga Presidenti, procedura është e qartë: Refuzimi i Presidentit pranohet ose rrëzohet nga parlamenti!

“Mendimi i Venecias është gjithnjë i mirëseardhur, por për një ligj të votuar dhe të refuzuar nga Presidenti, procedura është e qartë: Refuzimi i Presidentit pranohet ose rrëzohet nga parlamenti! PARLAMENTI DO TË RISHPREHET PA HUMBUR ASNJË DITË!” shprehet Edi Rama në reagimin e tij duke përfunduar:

“Ky President i angazhuar si një ekstremist kundër Parlamentit dhe Qeverisë Shqiptare, s’merr dot peng askënd dhe asgjë përveç institucionit që fatkeqësisht ka marrë peng! Opinioni i Venecias mirësetëvijë kur të vijë, por koha për këto zgjedhje s’pret asnjë ditë jashtë procedurave.”