I Papërgjegjshëm/ Shkodra nën pushtetin e krimit, Lleshaj: Nëse ndjen frikë kryetarja e bashkisë, kemi një problem të madh!

Në Shkodër ishte për të prezantuar Prefektin e ri, por ministri i Brendshëm, Ish-Gjeneral Sandër Lleshaj vazhdoi me arrogancën e tij edhe kur kryetarja e Bashkisë, Voltana Ademi, i shprehu shqetësime për gjendjen e krijuar pas vrasjeve të fundit.

Problemit serioz të sigurisë në Shkodër, ministri i Brendshëm Ish-Gejneral Sandër Lleshaj i përgjigjet me ironi. Në një moment thotë se 20% e vrasjeve në shkallë vendi i prodhon vetëm Shkodra si qytet, por nuk është i përmsave sa mund të shkaktoj frikë, dhe kur këtë e kundërshton kryetarja e bashksië së Shkodrës , Voltana Ademi, duke theksuar se ajo sapo ka filluar, për Ish-Gjeneral Lleshajn problem nuk është  frika që kanë njerëzit por kur kryetarja e bashkisë ndjen frikë, thotë ai, kemi një problem të madh.

Voltana Ademi: “Siguria është çështja numër 1 që duhet trajtuar. Njerëzit në Shkodër janë bashkëpunues dhe e duan shumë vendin. Padiskutim dhe do të kenë bashkëpunimin me pushtetin vendor sidomos duhet të krijojmë besimin tek njerëzit që ne të funksionojmë siç duhet ndryshe kjo nuk do i shërbejë askujt, do na bëjë të ikim të gjithë një orë e më parë”

Sandër Lleshaj: “Kemi situatë që meriton vlerësim dhe kemi bërë ndërhyrje dhe do të vazhdojmë të bëjmë ndërhyrje të forta në Shkodrër sepse Shkodra na gjeneron një pjesë të madhe të krimit në Shqipëri. 20% e vrasjeve në shkallë vendi i prodhon vetëm Shkodra si qytet. Ky është paradoks i papranueshëm për ne si qeveri si qytetar si Shkodër. Hajde të bëhemi bashkë përballë krimit. Krimi nuk është i atyre përmasave sa mund të na shkaktojë frikë. Absolutisht, asnjë frikë.”

Voltana Ademi: “E keni shumë gabim. Sapo ka nisur. E keni shumë gabim.

Por shqetësimit të kryebashkiakes Ish-Gjeneral Lleshaj nuk iu përgjigj me një leksik zyrtar të ministrit, por me ironi. Dhe çuditërisht, sot kur Shkodrën e ka pushtuar krimi, për ministrin e Brendshëm problem i madh qenka kur kryetarja e Bashkisë së ka frikë: “

Sandër Lleshaj: “E rëndësishme është që të bashkojmë forcat. Ditën që ndodhi vrasja në Shkodër u parandalua një krim në Lezhë. Përveç policisë duhet të mobilizojmë qytetarët që të bëhen palë. Në këtë kuptim jemi shumë herë më të fortë. Ne do të fuqizojmë kapacitetet tona të policisë në Shkodër. Jo më kot kam ftuar drejtorët e Drejtorive fqinje të Kukësit dhe Lezhës se do të mobilizojmë dhe burime nga këto me qëllim që siguria në Shkodër të rrijë në nivele optimale. Nëse ndjen frikë kryetarja e bashkisë kemi një problem të madh”

Voltana Ademi: “Fola për vete, kur nis tek unë mendoni të tjerët.”

Sandër Lleshaj: “Do e zgjidhim se s’bën. Padër Fishta ka thënë një shprehje: “Zoti ka me rujt Shqipninë, për inat të djallit e shqiptarëve”. Ne kemi për ta vendosur sigurinë në Shkodër sesbën dhe për këtë nuk ka asnjë opsion dhe asnjë alternativë.

Shkodra ka përballuar rrezike shumë herë më të mëdhaja sesa dy-tre kriminelë, të qartur, të verbër që u ka marrë Zoti mendtë dhe vrasin njëri tjetrin për fatin tonë të keq dhe për turpin tonë. Unë jam i angazhuar që të bëhet gjithçka që në këtë qytet të kthehet ai dinjitet që meriton qyteti,” tha Ish-Gjeneral Sandër Lleshaj I paqartë nëse do ta kryej detyrën si ministër apo “për inat të djallit e shqiptarëve”.

Ndërkohë debati nuk mungoi as me Drejtorin e Përgjithshëm të Policisë, Ardi Veliu nga i cili kërkoi ndërhyrjen e forcave speciale në Shkodër pasi krimi po vret dhe njerëz të pafajshëm.

Voltana Ademi: “Gjovalin Loka dhe Vehbi Bushati kanë pasur vullnetin e mirë të bashkëpunimit. Kjo nuk diskutohet. Asnjëri nga ne nuk e diskuton. Nuk është çështje e një vullneti të një personi. Nuk e bën as një polici e vetme në Shkodër, do të duhet të ketë forca të specializuara. Ne duhet të parandalonim ngjarjen në këto histori ka pasur dhe njerëz të pafajshëm që janë vrarë me plumb.”