I përgjigjet Albin Kurtit, Edi Rama përgënjeshtron vetëveten dhe Veteranët e UÇK-së!

Dhjetë vjet më parë, pikërisht më 16 korrik të vitit 2015, Kryeministri Edi Rama udhëtoi me një helikopter special në vizitën surprizë në Prishtinë për të siguruar formimin e Gjykatës Speciale për krimet e luftës në Hagë, por sot duke iu përgjigjur Kryetarit të Lëvizjes Vetëvendosje përgënjeshtrron këtë fakt, madje përgënjeshtron edhe kreun e veteranëve të UÇK, Hysni Gucati, i cili tha se njëri nga folësit në protestën e 17 tetorit në Tiranë është dhe Kryeministri Edi Rama.

“Lëvizja Vetëvendosje më paska kushtuar një çarçaf të gjatë, ku shkruan se përpara 10 vjetësh unë paskam qenë pro kurse ajo paska qenë kundër Gjykatës Speciale… Ndërkohë unë e kam denoncuar farsën ndaj Hashim Thaçit e të tjerëve kurdo e kudo ka qenë rasti a nevoja, ndërsa Lëvizja dihet se sa ka lëvizur në atë drejtim,” tha sot Edi Rama duke përgënjeshtruar vetëveten por jo edhe televizionin levë të politikës së tij, Top Channel, i cili në 16 korrikun e vitit 2015 raportonte për vizitën surprizë të Kryeministrit Edi Rama me helikopter në Prishtinë.

“Në vizitën e tij surprizë, kreu i qeverisë shqiptare u shoqërua nga ministri i Punëve të Jashtme, Ditmir Bushati dhe nga drejtori i Zyrës për Komunikim, Endri Fuga, i cili dha informacionin e parë zyrtar lidhur me përmbajtjen e takimit, përmes një postimi në Twitter, ku theksoi se vizita kishte për qëllim koordinimin e dy qeverive për Samitin e Vjenës.

Të njëjtën gjë e konfirmoi më pas edhe komunikata zyrtare e Qeverisë së Kosovës.

Por, Top Channel ka mësuar nga burime brenda takimit se kryeministrat dhe ministrat e pranishëm në takim kanë diskutuar për nevojën e formimit të Gjykatës Speciale për krimet e luftës.

Mësohet se kryeministri Mustafa dhe zv/kryeministri Hashim Thaçi i kanë thënë kryeministrit Rama se janë në koordinim e sipër me të gjithë faktorët relevantë dhe se Gjykata do të miratohet së shpejti në Kuvend,” raportonte Top Channel në 16 Korrikun e vitit 2015.

Dhe jo vetëm kaq! Edi Rama përgënjeshtroi edhe kreun e veteranëve të UÇK-së i cili dje e paralajmëroi Kryeministrin e Shqipërisë si folës të protestës së 17 Tetorit në Tiranë.

“…Unë as nuk jam organizator e as nuk jam folës i protestës gjithëkombëtare ‘Drejtësi për Çlirimtarët’, të cilën e mbështes megjithë zemër e do t’i bashkohesha si pjesëmarrës i thjeshtë, nëse nuk do të isha i vetëdijshëm se çdo politizim me dashje ose jo i asaj nisme, do të dëmtonte qëllimin dhe popullaritetin e saj…” tha Edi Rama i cili për dallim nga 16 korriku i 2015 kur surprizoi Top Channelin sot nuk surprizoi njeri sepse të gjithë e konfirmuan se nuk ka kurrfarë dallimi nga partia që ai përfaqëson dhe historikisht ishte mik me Serbinë dhe jo Kosovën!

Lëvizja Vetëvendosje më paska kushtuar një çarçaf të gjatë, ku shkruan se përpara 10 vjetësh unë paskam qenë pro kurse ajo paska qenë kundër Gjykatës Speciale… Ndërkohë unë e kam denoncuar farsën ndaj Hashim Thaçit e të tjerëve kurdo e kudo ka qenë rasti a nevoja, ndërsa Lëvizja… pic.twitter.com/uXCOBsYoCf

— Edi Rama (@ediramaal) October 16, 2025

Reagimi:

Lëvizja Vetëvendosje më paska kushtuar një çarçaf të gjatë, ku shkruan se përpara 10 vjetësh unë paskam qenë pro kurse ajo paska qenë kundër Gjykatës Speciale… Ndërkohë unë e kam denoncuar farsën ndaj Hashim Thaçit e të tjerëve kurdo e kudo ka qenë rasti a nevoja, ndërsa Lëvizja dihet se sa ka lëvizur në atë drejtim.

Por unë s’jam në asnjë lloj gare me Lëvizjen dhe më vjen keq që Lëvizja i ngatërron marrëdhëniet institucionale të Kosovës me Shqipërinë në çorbën e balotazheve komunale, ndërsa për qëndrimet e para 10 vjetëve – kur ajo nuk njihte as himnin e Kosovës e jo më pafajësinë e Hashim Thaçit, të cilin do ta donte përjetësisht në Hagë – i kujtoj Lëvizjes se Gjykata Speciale u ngrit për trafikun e organeve, jo për të marrë peng Presidentin e Republikës së Kosovës.

Dhe e fundit, unë as nuk jam organizator e as nuk jam folës i protestës gjithëkombëtare “Drejtësi për Çlirimtarët”, të cilën e mbështes megjithë zemër e do t’i bashkohesha si pjesëmarrës i thjeshtë, nëse nuk do të isha i vetëdijshëm se çdo politizim me dashje ose jo i asaj nisme, do të dëmtonte qëllimin dhe popullaritetin e saj.