I përzgjedhuri i Lulzim Bashës në krye të KQZ, nuk e regjistron PD-në!
Në tetorin e vitit 2020 kur në mes të Ilirian Celibashit dhe Ilir Rusmalit, Kryetari i PD, Lulzim Basha përzgjodhi në krye të KQZ komunistin me licencën e shkatërruesit të zgjedhjeve, Celibashi, “antikomunistët” e Bashës e arsyetuan këtë vendim i cili mori 107 vota në parlament, se Rusmali është i biri i persekutorit famëkeq Çajup Rusmalit! Sot, kur i përzgjedhuri i Lulzim Bashës në krye të KQZ, Ilirian Celibashi, nuk e regjistron Partinë Demokratike për zgjedhjet e 14 Majit, ai quhet nga po këta “antikomunistë” si njeriu i Ilir Metës, përkatësisht Sali Berishës!
Pavarësisht se me vendimin e sotëm edhe Sali Berisha me PD-në e tij nuk u regjistrua, grupimi i Taulant Ballës në PD akuzon Celibashin pse e njehë Lulzim Bashën për Kryetar të PD dhe nuk e njehë autorizimin e tij për Deklaratën solemne.
Gjithsesi, Ilirian Celibashi më në fund shpalli vendimin, se i kujt është vendimi këtë më së miri e dinë Lulzim Basha i cili vazhdon e heshtë edhe kur kreu i KQZ, shprehet:
“Në dokumentacione ka disa pretendime. Qëndron pretendimi i njërës palë që Lulzim Basha është kryetar i PD-së pasi kështu rezulton në regjistrimin e partive politike. Nuk qëndron qëndrimi i PD-së se Sali Berisha është kryetar i PD-së. Pala e Bashës, që ka paraqitur kërkesën për regjistrimin në zgjedhje, ka legjitimitetin e plotë. Pra në vlerësimin tim, në pikëpamje formale, Lulzim Basha ose persona të autorizuar, kanë legjitimitetin për të paraqitur kërkesën për t’u paraqitur si subjekt zgjedhor.
Por duhet që ky autorizim, sikurse kam thënë më herët, duhet të jetë i qartë dhe i plotë, lidhur me tagrat e të autorizuarve. Dokumentacioni për regjistrimin e PD-së, si subjekt zgjedhor, i paraqitur nga ju si i autorizuar, ka një mangësi themelore, deklarata solemne duhet të jetë e nënshkruar nga Lulzim Basha. Ajo rezulton e nënshkruar nga Enkelejd Alibeaj. Në bindjen time, deklarata duhet të nënshkruhet vetëm nga kryetari i partisë. Se pse ligjvënësi i ka dhënë kaq rëndësi këtij dokumenti, për KQZ-në s’ka rëndësi. Në pamje të parë, deklarata mund të duket si akt formal.
Por në fakt, në kuptim të përmbajtjes dhe të interpretim të drejtë, nuk është kështu. Formulimi i kësaj dispozite, paraqitja e këtij dokumenti është kusht për regjistrimin e partisë në zgjedhje. Sjell si shembull zgjedhjen e Presidentit të Republikës. Presidenti nuk merr dot detyrën pa bërë betimin. Betimi është akt formal, por mos kryerja e tij nuk e lejon presidentin të ushtrojë detyrën. Përfaqësuesi i PD-së, Indrit Sefa ka pretenduar se Alibeaj e ka të drejtën të firmosë deklaratën solemne. Kjo nuk ka bazë ligjore. Deklarata solemne duhet të nënshkruhet vetëm nga kryetari i partisë. Ky angazhim është përgjegjësi personale dhe nuk mund të transferohet tek të tjerë”
Në fund, Celibashi mundohet të sqaroj avokatët komunist të grupimit të Taulant Ballës në PD se PD e Sali Berishës ishte rrëzuar pikërisht se këta kishin vërtetimin e gjykatës se Lulzim Basha është Kryetar, e meqë është pranuar një absurditet i tillë, Basha duhet të firmos dhe deklaratën solemne
“Ju pretendoni se dorëheqja e Lulzim Bashës është fakt i njohur botërisht. Në këto kushte, nuk është e mundur të nënshkruajë deklaratën solemne. Ky pretendim bie në kontradiktë me veprimet e bëra nga ana juaj. Kur është rasti për të legjitimuar kërkesën tuaj për regjistrimin e PD-së si subjekt zgjedhor, kundrejt pretendimit të Sali Berishës se ka legjitimitetin për kërkesën e regjistrimit. Kur ju kërkohet se përderisa Lulzim Basha është kryetar i PD-së, duhet të përmbushë detyrimet si kryetar partie,” thekson i përzgjedhuri i Lulzim Bashës për kreun e KQZ, Ilirian Celibashi, duke vendosur:
“Në përfundim, vendos të mos pranojë kërkesën e PD-së me kryetar zotin Lulzim Basha për t’u regjistruar si subjekt zgjedhor!”
Beteja për këta morra të kuq vazhdon në KAS ku është dhe djali i persekutorit Çajupi, gjithsesi ky grup që shkatërroi Partinë Demokratike e kanë të qartë se kanë Kolegjin Zgjedhor ku do ta mbyllin me avokatët e tyre komunistë, këtë maskaradë të Edi Ramës që luan me drejtësinë në këtë vend.
Ndërsa PD me kryetar Sali Berisha duke shpresuar në ditë ma të mira pa terrorin Rama-Basha nuk kanë rrugë jetër vetëm se të konsumojnë shkallët e gjyqësorit për të ankimuar këtë vendim të Celibashit i cili mbron me devotshmëri nderin që i ka bërë Lulzim Basha!
Ndërkohë të gjithë ata që merakosen për fytyrën e Lulzim Bashës se si mund ta firmos Deklaratën solemne për zgjedhjet e 14 Majit, nuk ka vend për shqetësim: Ai nuk ka fytyrë! Sikur ta kishte një të tillë, të paktën nuk do të akuzonte Sali Berishën për kryengritjet komuniste të vitit 1997 dhe 2011, kur dihet që ishte Berisha ai i cili e futi këtë njeri në politikë duke e bërë ministër historik të Transportit që hodhi firmën në Rrugën e Kombit, dhe ministër i Jashtëm dhe i Brendshëm që hodhi firmat për anëtarësimin e Shqipërisë në NATO dhe liberalizimin e vizave! Dhe jo vetëm kaq! E bëri kryetar të Bashkisë Tiranë përballë Kryetarit të PS, Edi Rama ndonëse ishte një analfabet funskional për ta bërë në fund dhe Kryetar të PD!
