“I zgjedhur” në tre palë zgjedhje, Erion Veliaj u shkarkua për tre sekonda

Erdhi në politike si hije e Edi Ramës, duke zbatuar planin e tij për ta armiqësuar Kryetarin e Partisë Socialiste, Fatos Nano, me të gjithë socialistët në mënyrë që të zëvendësohet me Edi Ramën, për t’u ulur më pas në fronin e Kryeministrit, dhe po ikën si hije e Edi Ramës ndonëse tha se ishte zgjedhur në tre palë zgjedhje me votën e popullit.

Asnjë dënesë socialiste nuk u dëgjua në Këshillin Bashkiak të Tiranës për hajdutin Erion Veliaj, socialistë të cilët i kishte zgjedhur me dorën e tij, sepse sot ndërsa ai thur plane se si t’i shpëtoj drejtësisë, Edi Rama vendosi ta shkarkoj përmes Këshillit Bashkiak!

Në votimin për shkarkimin e kryetarit të bashkisë, Erion Veliaj nuk morën pjesë, kryetarja në detyrë Anuela Ristani, investitori strategjik Gazment Paja dhe Joleza Koka e Aldo Merkoçi.

Nga opozita, Fabian Topollaj, kërkoi që votimi për shkarkimin e kryetarit të bashkisë të bëhej me votim të fshehtë, kërkesa e tij nuk u mor parasysh dhe ai braktisi votimin.

Tashmë i takon Këshillit të Ministrave që të miratojë vendimin për shkarkimin e Erion Veliajt nga posti i Kryetarit të Bashkisë Tiranë, vendim i cili mund të pezullohet nëse Erion Veliaj e ankimon në Gjykatën Kushtetuese, për të pritur vendimin e kësaj Gjykate.

Kështu, Erion Veliaj, i cili u tha se ja futi Kryetarit të PS Tiranë dhe Ministrit të Brendshëm, Saimir Tahiri, tashmë ia futi vetes, dhe gjithë ëndrra e tij për Kryetar të PS dhe Kryeministër të Shqipërisë mbeti një përrallë e rrëfyer përballë vrimave të Alexit, sepse Lali Eri ishte dhe ngeli një jeniçer i Sulltan Edvinit të cilin më në fund e vari aty ku premtoi, në pemë!

Ndryshe, në nisje të mbledhjes, Kryetarja e Këshillit Bashkiak, Megi Fino, tha se sot po bëhet detyra për ta çliruar Tiranën, nga ndalimi, siç tha ajo pa gjyq i Erion Veliajt.

“Sot ne po kryejmë detyrimin tonë, duke çliruar Tiranën prej ndalimit pa gjyq të kryetarit të bashkisë. Ne sot kemi vetëm një pikë në rendin e ditës, projektvendimim për shkarkimin kryebashkiakut të Tiranës Erion Veliaj,” tha kryetarja e Këshillit Bashkiak, Megi Fino, ndëra Këshilltarja bashkiake e PD, Ilda Zhulali ishte e para nga opozita e cila foli për mungesën e Kryetarit të Bashkisë së Tiranës, Erion Veliaj, në mbledhjen e Këshillit Bashkiak, në seancen ku do te votohet shkarkimi i tij. 

“Erion Veliaj është gjallë. Ai duhet të ishte këtu, siç ja lejon ligji. Unë jam e lumtur që ai mori shijen e gjellës që ka gatuar vetë për këto vite, këtë gjellë që sot ja gatuat ju të gjithë anëtarët e këshillit bashkiak të PS. Le ta provojë Veliaj nga qelia ku është dhe nëse na ndjek e përshëndesim.

Vendimi që keni sjellë sot është i vonuar dhe i paplotë. Veliaj duhet të ishte shkarkuar që në 2023 kur padrejtësisht mori detyrën. Ai duhet të shkarkohet për shkelje të ligjit,” tha Ilda Zhulali duke u shprehur ashtu siç do të shprehet shumica e qytetarëve të Tiranë!