Ia japin me qira dhe Erion Veliajt, Berisha: Lulzim Basha, mjeran i keqpërdorur nga Rama-Balla!

Erion Veliaj, vjedhja e shekullit me djegësin e Tiranës, nuk është gabim, por krim, tha sot Kryetari i Partisë Demokratike, Sali Berisha, duke reaguar pas deklaratave të Kryetarit të Bashkisë Tiran lidhur me procedurat që ka zbatuar institucioni që ai drejton ndërsa iu përgjigj edhe akuzave të Lulzim Bashës lidhur me kullën te Mali i Tiranës!

Lulzim Bashën, tha Kryetari i PD, e njohim si një peng të shpifur të Edi Ramës dhe asgjë më shumë, të tillë e njohin të gjithë demokratët shqiptarë, të tillë e njeh opinioni publik shqiptar.

“Erion Veliaj, pasi u fsheh disa ditë në malin e shpifjeve që ngriti me gjobëvënësit e tij për Malin e Tiranës, në intervistën televizive te Bolino për vjedhjen e shekullit, deklaroi se Bashkia e Tiranës ka zbatuar ligjin dhe ka respektuar të gjitha procedurat.

Nëse në këtë proces, dikush ka bërë gabime, theksoi Veliaj, të mbajë përgjegjësi një për një. Por, di të them se, Bashkia e Tiranës është treguar korrekte. Jemi një nga bashkitë kliente.

Meqë jemi të vjedhja e shekullit, mund të them se ky është mashtrimi i shekullit apo shakaja e shekullit.
Javën e kaluar, unë ju njoftova se Erion Veliaj dhe SKAP-i i partisë, duan ta paraqesin Erion Veliajn si viktimë të ustallarëve në letra, Zoto dhe Mërtiri.

Ndaj sot nuk do ndalem në këtë aspekt të deklaratës së tij, por vetëm më pohimin e tij se nëse dikush ka bërë gabime, të mbajë përgjegjësi një për një.

Sipas Erion Veliajt, vjedhja e shekullit nuk është krim, por vetëm gabim.

Me këtë rast, i them Erion Veliajt, se përgjegjësi numër një për vjedhjen e shekullit, djegësin e Tiranës, se nuk bëhet fjalë për gabime, por për vepra penale dhe krime të rënda.

Ndaj prokuroria speciale që po heton zemërthyer vjedhjen e shekullit prej 3 vitesh, ka lëshuar një numër urdhër-arrestesh. Nuk është gabim, por vetëm krim i Erion Veliajt kalimi me firmën e tij në praktikën me djegien, që është dy herë më e kushtueshme sipas KLSH.

Nuk është gabim, por është krim i Erion Veliajt, zëvendësimi i procedurës së djegësit të Elbasanit dhe Fierit me tender publik, në procedurën me dhënien me koncesion apo PPP, e cila për 30 vite do i paguajë koncesonarit, dmth Erion Veliajt, rreth 1 miliard euro,” tha Sali Berisha duke e konsideruar skandalin me inceneratorin e Tiranës jo gabim, por vjedhje e krim i Erion Veliajt.

“Nuk është gabim, por vjedhje e krim i Erion Veliajt dhe askujt tjetër, detyrimi antiligjor i bizneseve që pas vitit 2016, që çdo kuintal dhe apo inerte, ta depozitojnë vetëm në Sharrë, dhe vetëm e vetëm që kompania e djegësit të Veliajt të merrte 450 milionë euro nga këto biznese.

Nuk janë gabime, por vepra penale të gjitha firmat e vendosura për djegësin e Tiranës, sepse ai është fakti penal më i tmerrshëm për të cilin SPAK ka lëshuar urdhër-arresti për Arben Ahmetajn, pavarësisht se ai e kishte kundërshtuar këtë procedurë 5 herë. Së fundmi, ai firmosi vetëm pasi ti me firmën tënde dhe vulën e bashkisë, mashtrove për leverdesshmërinë e djegësit.

Nuk është gabim, por vetëm krim insistimi yt kundër Ministrisë së Financave për leverdesshmërinë e projektit, edhe pse sipas KLSh është dyfishuar barra për taksapaguesit.

Nuk është gabim, por krim dhe vetëm krim kur ti Erion insistove për dhënien e 8 pikëve bonus për kompaninë tënde fantazmë, që nuk regjistronte në asnjë regjistër të shtetit shqiptar.

Nuk është gabim, por është krim kundër Kushtetutës firmosja në emër të Këshillit të Qarkut të Tiranës, në një kohë kur ai këshill nuk ishte mbledhur asnjëherë për këtë çështje.

Nuk është gabim, por shkelje e rëndë e ligjit dhe Kushtetutës kur firmos në emër të Këshillit Bashkiak të pambledhur ndonjëherë. Akti yt është i njëllojtë sikur Edi Rama të firmosë në emër të Lindës së parlamentit

Nuk është gabim, por është krim i rëndë të fshehësh gabimet e tua me Alberto Presecin dhe Flavio Tosin, që kanë ardhur te ti me çarter, sepse e dinin se ti ishte pronari i vërtetë.”

Për akuzat e Bashës dhe klikës së tijë, lideri i opozitës tha se Sali Berisha është një mjeran i keqpërdorur sipas rastit nga Rama-Balla, e ndonjëherë ia japin me qira edhe Erion Veliajt!

“Lulzim Bashën e njohim si një peng të shpifur të Edi Ramës dhe asgjë më shumë.

Të tillë e njohin të gjithë demokratët shqitparë, të tillë e njeh opinioni publik shqiptar.

Nëse ju mendoni se ne pranojmë faktet e kryera nga Edi Rama, u garantoj se gabohet çdo njeri që mendon në këtë mënyrë.

Lulzim Basha është një mjeran i keqpërdorur sipas rastit nga Rama-Balla.

Ndonjëherë ia japin me qira edhe Erion Veliajt.”

Në fund, Kryetari i Partisë Demokratike paralajmëroi Kryetarin e Bashkisë Tiranë, Erion Veliaj se “Mali i shpifjeve” nuk të mbron nga qytetarët e Tiranës.

“Për të gjitha këto, PD paralajmëron se pavarësisht nga malet e shpifjeve që mund të ndërtosh, pavarësisht nga mbrojtja e Edi Ramës dhe partisë shtet, pavarësisht nga devijimet e hetimeve për të të mbrojtur ty nga SPAK i partisë dhe shpallja jote si klient myshteri, së shpejti qytetarët e Tiranës do të vendosin ty, njërin nga kryehajdutët e vjedhjes së shekullit, në bankën e turpit, ku ti e ke vendin,” tha Kryetari i Partisë Demokratike, Sali Berisha, duke përfunduar:

“Qytetarë dhe qytetare, fjala juaj, vullneti juaj, guximi juaj, janë vendimtarë për të përmbysur këtë piramidë kriminale që qëndron mbi supet, taksat, qenien tuaj.”