“Ibër-Lepenci” merr objektin në Zubin Potok, prezent Policia e Kosovës

Zyrtarët e Ndërmarrjes Hidroekonomike “Ibër-Lepenc” kanë hyrë sot në prezencë të Policisë së Kosovës në një objekt pranë liqenit të Ujmanit në Zubin Potok, që dyshohet se përdorej si institucion paralel i Serbisë.

Lajmin e ka konfirmuar Zv/Drejtori i Policisë për rajonin e veriut, Veton Elshani duke saktësuar se operacioni është zhvilluar sot dhe pa incidente.

“I kemi asistuar zyrtarët e Ibër Lepencit për të hyrë në një objekt te liqeni i Ujmanit,” tha Veton Elshani ndërsa nëri të ditur se Policia e Kosovës disa ditë më parë kishte asistuar edhe në një rast tjetër në veri.

Ndryshe, Kompania paralele e Ujësjellësit “Ibar” në Mitrovicë të Veriut është mbyllur më 13 Maj 2025.

Përmes një postimi në rrjetet sociale, ministrja në detyrë e Ekonomisë, Artane Rizavanolli, tha se ky është një hap konkret që i shërben sundimit të ligjit dhe funksionalizimit të shërbimeve publike nga institucionet e shtetit.