“Ide në diskutim”, Edi Rama: Bursë për studentët spiunë!
Ndonëse rezultatet e luftës kundër korrupsionit vazhdojnë të jenë vetëm në kokat e qeveritarëve të Kryeministrit Edi Rama, ai sot paralajmëron një përshkallëzim të çuditshëm në luftën kundër korrupsionit.
Investim i madh është bërë nga Qeveria dhe BE për Reformën në Drejtësi por përkundër vettingut që zhvillohet, drejtësia jo vetëm që po kurohet por korrupsioni vetëm sa është bërë edhe më i kushtueshë. Besueshmëria ka rënë edhe më shumë, në veçani pas rastit të prokurorit Bujar Sheshi i cili edhe pse me vendim të Autoritetit të Dosjeve konfirmohet se ishte spium i sigurimit të shtetit, me vendim gjykata ky vendim u hodhë poshtë dhe prokurori në fjalë sot është anëtar i organit më të lartë të prokurorisë shqiptar, KLP.
Ky vendim edhe pse zhgënjeu në masë të madhe shqiptarët tek kryeministri ka nxitë një ide të re. Ide në diskutim e pagëzoi Edi Rama iniciativën e tij më të re për të luftuar korrupsionin! Meqë një spiun i Sigurimit të Shtetit mund të bëhet anëtar i KLP pse një spiun student nuk mund ta luftoj korrupsionin dhe me këtë rast, pasi i ka varfëruar pse mos ti shpërblej për këtë shërbim me një bursë:
“Koha për një përshkallëzim të ri kundër korrupsionit! Po punojmë për një program nxitjeje kundër heshtjes dhe denoncimit me provë abuzuesit. Një ide në diskutim është: Çdo student denoncues që sjell provë për presion korruptiv nga kushdoqoftë, zeron tarifën e merr bursë njëvjeçare!”, thekson Edi Rama përmes rrjetitisocial Twitter duke e hedhur në rrjetin social një ide makabre ku studentët meqë nuk përfituan asnjë të drejtë nga Platforma, të kenë mundësi ta zbusin tarifën dhe të përfitojnë bursën nga metodat shqiptar që përdorin kolegët e tyre dhe nuk po i kuron dot asnjë Reformë idiote e kësaj qeverie për 6 vjet.
Pas kësaj iniciative të frikshme pritet që minatorëve tu rritet paga nëse spiunojnë për korrupsion, për të vazhduar me punëtorë shëndetësor, arsim, e deri tek oligarkët; Ata që pritet të spiunojnë kur Edi Rama të largohet nga pushteti dhe shqiponja dykrenare në flamur ndonëse e zezë, të jetë skuqur nga turpi se çfarë simbolizon: rilindas dhe spiun!
