IGJEUM: Sot pritet ulja e rrezikut të përmbytjeve; Bashkia Shkodër: Ja situata në terren…

Sipas llogaritjeve të Institutit të Gjeoshkencave, IGJEUM, sot pritet të ulet rreziku i përmbytjeve në basenet e lumenjve, Drin dhe Buna. Si pasojë e uljes së ndjeshme të temperaturave në zonat e sipërme të këtyre baseneve lumorë, pritet që të ulen prurjet, në zonën e NënShkodrës edhe zonave afër Liqenit të Shkodrës. Në lumenjtë e tjerë në gjithë territorin, pritet ulje e prurjeve dhe nuk pritet rrezik nga përmbytjet.

Ndërkohë nga monitorimi periodik në terren ditën e sotme, Bashkia Shkodër raporton këtë situatë të përmbytjeve në terren:

– Hidrometri në Dajç në orën 08.30, shënon kuotën 6.52 m.(Kuota max 6.30 m). Në krahasim me raportimin e ditës së djeshme, kemi rënie të nivelit të ujit me 8cm.

– Hidrometri i Liqenit të Shkodrës në orën 08.30, shënon kuotën 8.96 m.(Kuota max 8.70 m). Në krahasim me raportimin e ditës së djeshme, kemi rënie të nivelit të ujit me 14cm.

– Hidrometri i lumit Drin në orën 08.30, shënon kuotën 6.90 m. (Kuota max 7.50 m). Në krahasim me raportimin e ditës së djeshme, kemi rënie të nivelit të ujit me 5cm.

Bashkia Shkodër

Sipërfaqe totale e përmbytur 4390 Ha; Tokë e pakultivuar 840 Ha; Foragjere të dyta, jonxhe 3270 Ha; Grurë 155 Ha4. Bimë Dekorative 87 Ha; Pemtore 35 Ha; Serra 3 Ha

Nj.A. Ana e Malit

Rruga e Obotit është e bllokuar. Niveli i ujit mbi rrugë arrin rreth 90 cm (kalohet vetëm me varka); Në fshatin Obot ka prezencë uji në oborre 140cm; Ujësjellësi Oblika 1,si pasojë e përmbytjeve është jashtë funksionit; UKSH Vazhdon të furnizojë me ujë të pishëm banorët e fshatit Oblikë; Sipërfaqja e tokës bujqësore e përmbytur vlerësohet në 1200 Ha, kryesisht në fshatrat Obot, Muriqan, Oblikë, Velinaj, Shtuf.

– Tokë e pakultivuar 220 Ha• Foragjere të dyta, jonxhe 910 Ha• Grurë 35 Ha; Pemtore 25 Ha; Bimë dekorative 7 Ha; Serra 3 Ha; Shtëpi të përmbytura 2.7; shtëpi kanë prezencë uji në oborre( fshati Obot); Në disa toka bujqësore niveli i ujit arrin në 2 – 2.5m; Ujesjellësi Oblika 2 i bllokuar nga uji ( jashte funksioni); Shumë garazhe e stalla bagëtish janë të përmbytura në fshatin Obot; Makina e Ushtrise në gatishmeri tek rruga e Obotit; Varkat e ushtrise F.A reparti BMR Tirane janë në gatishmeri (sipas nevojave) tek ura Sadiçit (fshati Obot).

Nj.A Dajç

Sipërfaqja e tokës bujqësore e përmbytur vlerësohet në 1700 Ha, kryesisht në zonën e quajtur “Këneta e Dajçit” (fshatrat Mushan, Shirq, Suka-Dajç, Belaj, Rrushkull, Samrish i Ri, Darragjat, Pentar-zona fushore), nga të cilat: Tokë e pakultivuar 340 Ha; Foragjere të dyta, jonxhe 1200 Ha; Grurë 80 Ha; Bimë dekorative 80 Ha

– Rruga që lidh fshatrat Shirq- Darrgjat është e bllokuar. Ka prezencë uji rreth 140 cm; Shtëpi të përmbytura 94. 120 shtëpi kanë prezencë uji në oborre; Në disa toka bujqësore niveli i ujit arrin në 2 m; Rruga në lagjen Mazia-fshati Suka Dajç është e pakalueshme me mjete të ulta; Është e pakalueshme me mjete të ulta rruga Belaj- Pentar. kalohet vetëm me mjete të larta të ushtrisë; Makina e Ushtrisë në gatishmëri tek Dispeçeri Mushan.

Nj.A.Velipojë

Sipërfaqja e tokës bujqësore e përmbytur vlerësohet në 200 Ha.Kryesisht fshatrat Baks i Ri, Luarz. Ças, Reç i Ri.

– Tokë e pakultivuar 50 Ha; Foragjere të dyta, jonxhe 150 Ha; Në 4 shtëpi kanë prezencë uji në oborre; Rruga nacionale është e bllokuar nga bora dhe akulli nga Baksi i Ri deri në Plazh.

Nj. A. Guri i Zi

Vazhdon gërryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.

Nj.A.Bërdicë

Sipërfaqja e tokës bujqësore e përmbytur vlerësohet në 700 Ha, konkretisht në fshtrat Trush, Bërdice e Madhe, Bërdicë e Mesme, Bërdicë e Sipërme.

– Të pakultivuara 80 Ha; Foragjere të dyta, jonxhe 580 Ha; Grurë 40 Ha; Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme; 5 Shtëpi janë të rrethuara nga uji ( kryesisht në fshatin Trush); Ka prezencë uji në lagjet Maksuti, Qokthi.

Nj.A.Rrethina

Sipërfaqja e tokës bujqësore e përmbytur vlerësohet në 590 Ha, në fshatrat Zues (tokat në fushen e Oblikës), Shtoj i Vjeter, Shtoj i Ri dhe Dobraç

– Tokë e pakultivuar 150 Ha; Foragjere të dyta, jonxhe 430 Ha; Pemtore 10 Ha; 60 shtëpi kanë prezencë uji në oborre.

Lagje Nr.1

Vazhdon e përkeqësuar situata nga përmbytjet në zonen e Livadheve. Si pasojë e përmbytjeve, rreth 200 shtëpi kanë prezencë uji në oborre, 5 familje kanë prezencë uji në banesa ( 3 familje zona e livadheve), (2 familje zona e ish Zukthat).

Bashkia Shkodër në kushtet e ndodhura, në referencë të Ligjit Nr.45/2019 “Për Mbrojtjen Civile ”, kërkon shpalljen e gjendjes së fatkeqësisë natyrore, për Nj.A. Ana e Malit dhe Dajç.-Kërkohet që nga Drejtoria e Ujitjes dhe Kullimit Lezhë të ndërhyhet për marrjen e masave për pastrimin e “Përroit të kufirit” Muriqan në Nj.A Ana e Malit.

SITUATË EMERGJENTE.KËRKOHET MBËSHTETJE ME BAZË USHQIMORE, SASIA 640 TON PËR GJËNË E GJALLË (KONCENTRAT) PËR NJ.A. ANA E MALIT, DAJÇ DHE RRETHINA.