Ikën Berisha, shfaqet Basha: Nuk do lejojmë që një NON GRATA të bëjë gjithçka!
Kur lideri historik i Partisë Demokratike, Sali Berisha, futet në selinë e PD, Kryetari i shkarkuar Lulzim Basha fillon mbledhjen, dhe në momentin kur Berisha ikën, Basha fillon me akuzat duke vjellur për ata që mendojnë ndryshe. Kështu ndodhi edhe sot me dallimin e vetëm se kur Berisha me Komisionin e Themelimit u futën në PD ata nuk i ndaloi dera e mbyllur nga Kryetari i shkarkuar.
Për dallim nga entuziazmi ndër demokratët e Bashës kur shpërthente dera e Kryeministrisë së Edi Ramës së dhunshëm, sot situata ishte ndryshe. Derën e mbylli Basha i dhunshëm, ajo u shpërthye me shkelmime, dhunë të cilën Basha sot nuk e pranon duke fajësuar Berishën dhe elementët kriminal, sipas tij, që shoqërojnë liderin historik ama njerëzit e armatosur në tarracë vazhdon ti trajtoj si normalitet.
Dhe, për të lënë përshtypje që nuk është shumë i befasuar, thirri gazetarët dhe filloi të flas për inceneratorët si Edi Rama për satelitët në Shqipërinë ku njerëzit nuk ngopen dot me gup.
“Ne jem të fokusuar te njerëzit. Fundi i vitit po afron, ndërkohë që një nga skandalet më të mëdha ka plasur, skandali i inceneratorëve. Dje është përhapur lajmi se Ëngjëll Agaci është dorëhequr, por sot nuk konfirmohet ky lajmi. Arrestimi i Lefter Kokës është akt për t’u përshëndetur, por i paplotë nëse nuk shoqërohet me arrestime të tjera. Shqiptarët e dinë se Lefter Koka nuk ka vepruar i vetëm. Shqiptarët e dinë që 17 vendime u kaluan brenda natës. Për më shumë se katër muaj PD, që denoncoi dhe bëri të mundur nisjen e hetimeve, ka nisur edhe përpjekjet për transparencën e plotë parlamentare. I bëj thirrje Felajt dhe Ramës të mos pengojnë seancën e komisionit për inceneratorët, që do të zhvillohet në orën 12:00, ditën e nesërme, sepse po kryejnë vepër penale, por edhe po vetëzbulohen si autorë dhe bashkuatorë të kësaj afere.
Është bërë mullar me prova, se tek inceneratorët dhe me inceneratorët është e lidhur gjithë kupola qeveritare dhe nesër komisioni hetmor do të tregojë si u abuzua me miliona euro. Ndërkohë që ne jemi të fokusuar te ky problem që ka lidhje me korrupsionin qeveritar, Sali Berisha vërtetoi edhe njëherë se misioni i tij po bëhet pengesë për aksionin opozitar,” u shpreh Lulzim Basha dhe pas këtij aktrimi të shkurtër kaloi tek akti i dhunshëm me derën e mbyllur me urdhër të tij.
Madje, gjithçka kaloi në aktin e dytë dhe një njeri që edhe pas tre ditësh nuk i identifikon dot delegatët e Kuvendit të vetë të 18 Dhjetorit ama në çast idenitifikon dhe akuzon si trafikant droge që kërkohet nga drejtësia britanike, njeriun që shkelmoi dhe hapi derën, Fatjon Dauti, dhe vetëm numrin e këpucëve nuk i bëri publik.
“Kjo qeveri ka bërë keq e më keq këto muaj. është bërë pengesë për hetimin e inceneratorëve. Duhet të ishte pjesë e hetimeve, edhe media, që iu është mbyllur goja për lekët që ka marrë. këto janë para të shqiptarëve. në vend që të merremi me vjedhjen e shekullit, të shohim në pranga anëtarët e kabinetit, dorëheqjet e kreut të qeverisë dhe vënien e tij para drejtësisë, dot po merremi prape me Sali Berishën. I cili nga dëshpërimi për dështimin e një lëvizje false, po zbrazet mbi dyert e PD, i shoqëruar nga eksponenti i krimit të organizuar, siç është Fajton Dauti, një prej narko–trafikantëve në Britani. Në prani të një familjari të tij, ish-punonjës i Policisë, Dritan Berisha. Ai është i kërkuar nga agjencia britanike dhe përfaqësuesit e tyre në Tiranë, që ta shqyrtojnë praninë e tij. Ja ku e kanë, e kërkojnë në Angli, por është në selinë e PD, duke shkelmuar derën e PD.
Ky informacion do iu përcillet organeve ligjzbatuese. hyrja e dhunshme në zyra, vetëm ekspozon dëshpërimin e Sali Berishës, që e lexuan dje. Dëshpërim që vjen nga fakti se e ka kuptuar se nuk është pakicë, por i vetëm. I ndjekur nga një pakicë e çuditshme që e kanë urryer gjithmonë, që shpresojnë që të kapin ndonjë copë, dhe nga një pjesë e demokratëve të zhgënjyer. Më lini ta them fare qartë; PD i ka mundësitë që të mbrojë integritetin e institucionit të saj, nëse dikush kërkon që të përdhos institucionin. PD i kërkon prokurorisë që të arrestojë Fatjon Dauti, se kërkohet si narko-trafikant në Britani,” tha Lulzim Basha i cili ndonëse politikan i dështuar nuk mund ti falet kjo sjellje si Ish-Ministër i Brendshëm që nuk mund të thuhet se ka dështuar dhe sot flet si adoloshent në frontin e luftës.
Por ai vazhdoi, duke u munduar ta bind veten se demokratët nuk do lejojnë që një NON GRATA të zgjasë jetën politike të dikujt që pret të shpallet dhe meriton të shpallet NON GRATA dhe çmenduri të ngjashme që dhe Gaz Bardhi se vështirë që i beson.
“Nuk do lejojmë që një NON GRATA të bëjë gjithçka t’i zgjasë jetën politike një tjetër personi që pret të zgjidhet NON GRATA dhe meriton të shpallet non grata si shumë të tjerë. Ndaj ne do vijojmë punën pa iu përgjigjur provokimeve, me në fokus njerëz, familjet e tyre, rininë shqiptare. Asgje nuk do na lëvizë nga vendosmëria jonë për të vijuar këtë rrugë, për të cuar deri në fund gjithçka që kemi nisur, të bëjmë transparencën e plotë të inceneratrëve, duke i kërkuar SPAK të mos mjaftohet vetëm me hapin e parë. Armiku i mirëqënies së shqiptarëve, korrupsioni dhe aleanca e korrupsionit duhet të marrin goditjen e merituar,” tha Basha duke e ngatëruar relitetin me real story dhe filloi të flas si “i çliruar”:
“Duhet ta dinë se përpara kanë një PD të çliruar. Le ta di këtë Rama, Berisha, nuk na intimidojnë. Do e vazhdojmë betejën do e vazhdojmë. E ardhmja e Shqipërisë do të jetë një parti e çliruar nga mbetjet e të shkruarës, komunizmit e korrupsionit, për t’i dalë zot fateve të shqiptarëve e fateve të vendit.”
Dhe, ndonëse asgjë nuk ka në dorë përveç se kapuçzinjtë e armatosur në terracë, sot Lulzim Basha thotë se ka gati çdo skenar për çdo situatë.
“PD i ka gati të gjithë skenarët për t’u përballur në çdo situatë. I bëj thirrje autoriteteve të veprojnë për personat me vepra penale që ishin sot në PD. Fation Dauti është një figurë e skeduar në Britaninë e Madhe. Dyert e PD do mbeten të hapura, që duan të bëjnë betejën me Edi Ramën, për zbardhjen e masakrës zgjedhore, për t’i kthyer votën shqiptarëve, parlamentin dhe qeverinë që meritojnë. Betejë për të luftuar kundër mjerimit që po pllakos kudo. Spektaklet e trekëndëshit të Bermudës janë shfaqje e dëshpërimit të tyre, i dëshpëruar është Sali Berisha siç e patë dje,” tha Basha duke e parë se edhe më i dëshpëruar është Edi Rama jo sepse i është djegur karta me të cilën ka luftuar dy palë zgjedhje, por sepse e di që trekëndëshi do merret me radhë dhe kur bie baza do bien edhe brinjët e tjera të trekëndëshit.
Dhe jo vetëm kaq! Kryetari i shkarkuar i PD, Lulzim Basha, përfshihet nga deliri dhe ndonëse nuk di ti thotë gazetarëve se çfarë ndodhi në Kuvendin e tij të 18 Dhjetorit ama e din se çfarë po zihet në Departamentin e Shtetit dhe se Edi Rama së shpejti do të shpallet NON GRATA.
I pyetur për numrin e delegatëve që kanë qenë të pranishëm në Kuvendin e 18 dhjetorit, Basha tha:
“Nëse do të keni qenë të vëmendshëm të njerëzit, do kuptoni që e vërteta është ajo që kemi thënë ne. Nuk kam ndërmend të rikthehem në këtë diskutim,” tha Kryetari i shkarkuar duke u përgjigjur në pyetjen se sa delegatë ishin në Kuvendin e 18 Dhjetorit ndërsa i dha verdiktiit të sjelljes së Edi Ramës:
“Duke ndjekur transparencën Edi Rama dhe shumë të tjerë meritojnë të shpallen non grata. Këtu s’ka asnjë dyshim. Po sillet si dikush që nga momenti në moment do të shpallet non grata. Misioni ynë s’ka të bëjë me Ramën e Sali Berishën, por me njerëzit. Rruga që ne kemi bërë gati është ajo e vettingut, e sistemit zgjedhor, e reformës territoriale, ajo që i rikthen pushtetin qytetarëve. Dy rrugë ka, e para është ajo e sistemit të ndershëm zgjedhor, e paraqitjes me detyrim të politikanëve për në SPAK. Kurse rruga tjetër është rruga e bashkëpunimit të hapur kriminal, siç po bën Rama. Këtë bëri dhe Berisha duke shpërthyer derën e PD. Kjo nuk pengon për të rikthyer shpresën për shqiptarët.”
