Ikën Rajoy, Pedro Sanchez kryeministër i ri i Spanjës

Parlamenti i Spanjës nuk i dha besimin kryeministrit Mariano Rajoy, e kryeministër i ri do të jetë lideri i socialistëve, Pedro Sanchez. Për shkarkimin e Rajoy votuan 180 deputetë, 169 ishin kundër dhe një deputet abstenoi.

Pas përfundimit të proçesit të votimit, Rajoy iu afrua Sanchezit dhe i shtriu dorën, raporton Agjencia e lajmeve Associated Press.

Sanchez pritet ta marrë detyrën të hënën dhe brenda javës do të emëroj kabinetin e tij.

Para votëbesimit, Rajoy duke ju drejtuar deputetëve tha se ndjehet krenar për atë që ka bërë si kryeministër.

“Kam nderin ta lë Spanjën më të mirë se sa që e mora. Falënderoj të gjithë spanjollët dhe gëzuar,” tha Rajoy.

Shkarkimi i Rajoy, i cili në këtë post është që gjashtë vjetë, sipas ekspertëve, njërën ndër katër ekonomitë më të mëdha në Evropë, mund ta çoj në krizë.

Kohë më parë Rajoy refuzoi të jap dorëheqje, pasi Partia e tij Popullore u gjobit me shumë të madhe parash për marrje ryshfeti.

Javën e kaluar Gjykata ka shqyrtuar deklaratën e Rajoy dhe zyrtarëve të tjerë partiak se nuk ishin në dijeni për këto aktivitete të paligjshme.