Ikin emigrantët, radhë në doganat me Greqinë

Pas festave të fundvitit, shumë emigrantë shqiptarë që ishin kthyer për të festuar në atdhe, kanë nisur kthimin në vendet ku jetojnë e punojnë

Kështu gjatë pasdites së sotme është regjistruar një fluks i madh njerëzish dhe mjetesh që dalin nga Shqipëria drejt Greqisë.

Në të tre pikat kufitare, Kakavijë, 3 Urat dhe Qafë Botë, por edhe nëpërmjet portit të Sarandës, vihet re një numër i konsiderueshëm njerëzish që lënë Shqipërinë. Radhët janë të gjata, ndërsa koha e pritjes duket se e kalon një orë, ndonëse në doganën e Kakavijës, si pala shqiptare, ashtu ajo greke, kanë filluar punën me dy sportele.