Ikja e Agaçit dhe Bizhgës nga Edi Rama, Berisha: Minjtë ikin kur mbytet anija!

Ikje e Sekretarit të Përgjithshëm Engjëll Agaçit dhe shefes së Kabinetit, Vali Bizhga nga E di Rama, Kryetari i Partisë Demokratike, Sali Berisha sot e cilësoi si ikje të minjëve kur mbytet anija, por siguroi demokratët se ligji do të jetë i pamëshirë dhe ndaj tyre.

Komunikimin e sotëm me qytetarë përmes rrjetit social e filloi me protestën kombëtare të së martës, ku këtë javë e cilësoi si javë të opozitarëve ndërsa 10 shkurtin e protestës si ditë të guximit dhe dinjitetit të shqiptarëve.

“Të dashur miq, java ishte java jonë. Ishte java e qytetarëve. Ishte java e opozitarëve. 10 shkurti, kryengritja paqësore më e fuqishme në historinë e Shqipërisë pas 20 shkurtit të vitit 1991, pati një jehonë të jashtëzakonshme në Shqipëri dhe në botë.
Ndaj dhe do të përsëris mirënjohjen time më të pakufishme për të gjithë ata që iu përgjigjën thirrjes së ndërgjegjes së tyre, që me 10 shkurt, në kryengritjen madhështore paqësore tronditën gjer në palcë narkoregjimin dhe përcollën në çdo zemër, në çdo vatër shqiptare, por edhe te gjithë miqtë e Shqipërisë dhe njerëzit liridashës në botë, mesazhin e shpresës, mesazhin e dinjitetit të qytetarëve shqiptarë përkundrejt lajmeve të zeza, përkundrejt qëndrimeve të turpshme të kreut të organizatës kriminale dhe qeveritarëve të tij këto muajt e fundit.

Unë mund të them se 10 shkurti ishte dita jo vetëm e guximit të madh, por edhe e dinjitetit të vërtetë të shqiptarëve.
Kreu i organizatës kriminale të narkoshtetit thirrej në Bruksel për t’i nxjerrë kartonin e zi, atë karton që meriton. Për t’i dhënë ultimatumin, ose dorëzo Lubinë dhe eventualisht edhe veten tënde në prokurori dhe gjykatë, ose do përballesh me pasojat më të tmerrshme që ti nuk i imagjinon.
Por ne ishim në shesh për t’u thënë partnerëve tanë se ne jemi në shesh dhe në betejë pikërisht se organizata kriminale nuk ka asnjë legjitimitet.
Ajo i ka grabitur zgjedhjet dhe i ka shndërruar në farsë elektorale dhe ka grabitur dhe grabit miliarda euro nga taksat e shqiptarëve dhe pasuritë publike të shqiptarëve.
Pra, ne ishim në sintoni të plotë. Dhe kjo ka një rëndësi të jashtëzakonshme sepse qëllimi ynë më madhor është integrimi i Shqipërisë në BE.
Natyrisht, ky integrim duhet të jetë i bazuar në meritë dhe jo në mashtrimin dhe falsitetin, dhe lobimet korruptive,” tha Sali Berisha duke folur për javën e cila pati edhe një zhvillim tjetër dramatik për organizatën kriminale me në krye Edi Ramën dhe vetë Edi Ramën.
“U anulua shkuarja e tij në Munich.
Munich është konferenca më e rëndësishme vjetore në botë që zhvillohet për sigurinë. Në Munich diskutohen çështjet më madhore të sigurisë në Europë dhe në botë. Edi Rama nuk ishte i denjë për atë konferencë. E vërteta është se delegacionin e nisi, por vetë nuk shkoi sot, i mbeti Dashi në dorë. Dash Sulën e kam fjalën.
Nuk shkoi sot. Dhe kjo ishte një mbështetje e madhe për qytetarët shqiptarë, për Shqipërinë. Kjo ishte, edhe njëherë dëshmi e një rrethi të kuq nga i cili Edi Rama nuk del dot kurrë.
Të dashur miq, fatet e Shqipërisë, të familjeve tona, të fëmijëve tanë, duhet dhe do të jenë në duart tona.
Ndaj dhe të vazhdojmë ne kryengritjen tonë paqësore, të sigurt se ecim drejt fitores,” tha lideri i opozitës ndërsa bëri të ditur se sapo kishte marrë lajmin për lirimin e protestuesëve.

“Sapo mora lajmin se guximtarët e fundit u liruan nga gjykata. Njëherë unë dua të përshëndes përzemërsisht grupin e superguximtarëve të rinjve, adoleshentëve, që u mbajtën në qelitë e zeza vetëm për shkak të moshës së tyre.
Edi Rama, për të tmerruar të rinjtë, kishte urdhëruar, donte me çdo kush të rinj që t’i torturonte në komisariate. Të rinjtë që nuk kishin kryer absolutisht asnjë lloj akti dhune. Të rinj, të cilët u morën, fotot që u paraqitën ishin krejtësisht tjetër për tjetër. Nuk u përkisnin atyre që ishin mbajtur.
Të rinj që u goditën në komisariat. Të rinj tek të cilët u dërguan gjoja psikologë oficerë të maskuar policie që nuk ishin psikologë. Të rinj që u pyetën pa avoketërit dhe pa prindërit e tyre, duke shkelur çdo ligj, duke treguar se komisariatet, ka prej këtyre oficerëve të policisë që i shndërrojnë në strofulla bandash.
Por at qëndruan të pamposhtur dhe ata dolën dje.
Garantoj se ligji do jetë shumë i rreptë me të gjithë ata që keqtrajtuan. Me të gjithë ata që morën njerëz të pafajshëm në komisariate.
Dënoj me forcën më të madhe aktin kriminal, vrastar të Sokol Bizhgës, Ilirian Prodës, këtyre banditëve me uniformë, të cilët prej kohësh duhet të ishin në burg për krimet që kanë kryer.
Ata urdhëruan qëllimin me snajper në kokë, në ballë, pas veshi, të tre protestuesve paqësorë dhe të një zonje në krah.
Unë i them Sokol Bizhgës dhe Ilirian Prodës, do jeni përgjegjës për plumbat që lëshoni ndaj njerëzve të pafajshëm. Nuk u ndahemi kurrë. Ligji do veprojë mbi ju.
Banditë të turpshëm që zbatoni urdhrat e një kryetari të një organizate kriminale siç është Edi Rama.
Asgjë nuk do na ndalë ne në rrugën tonë. Javën tjetër edhe më të mirë do ta kemi. Në jemi në rrugën e drejtë. Ne mbrojmë një kauzë të drejtë.

Kryetari i Partisë Demokratike foli dhe për shkarkimin e shefes së Kabinetit të Kryeministrit, Vali Bizhga, dhe, Sekretarit të Përgjithshëm, Engjëll Agaçi, nëse kemi të bëjmë me lëvizje administrative apo bashkëpunëtorët që po dorëzohen.

“Ata kanë kryer krime të dy. Ju duhet ta dini se Don Agaçio ‘dhuratë madhi’ është një nga koskat mafioze më të rrezikshme të Ballkanit, me veprimtari mafioze kundër Shqipërisë, shqiptarëve dhe kundër italianëve dhe shtetit italian.
Unë kam besim të madh se në të dy vendet, ky mafioz do të bëhet përgjegjës para ligjit.
Kurse për Vali Bizhgën, mund të them se, si kurrë ndonjëherë në zyrën e saj, natyrisht me autorizimi ne Ramës, por ajo nuk duhej ta pranonte kurrë, se shefja e kabinetit i ka të qartë detyrat e veta, bëheshin pazare për bajpasin e Fierit, të cilat unë i kam denoncuar me kohë. Thirreshin kompanitë nga Vali Bizhga, sikur të ishte shefe e supervizionit të punimeve,” tha Kryetari i Partisë Demokratike, Sali Berisha, duke përfunduar:
“Pra të dy, janë minjtë që ikin kur mbytet anija për të mos u mbytur dhe vetë. Por ligji do të jetë i pamëshirë dhe ndaj tyre.”