IKMT vazhdon shembjet në Radhimë, përplasje me banorët
Aksioni i Inspektoratit Kombëtar të Mbrojtjes së Territorit, IKMT, për shembjen e ndërtimeve në Radhimë sot u shoqëruar me përplasje mes banorëve dhe policisë.
Protesta nisi paqësore, banorët kërkuan nga IKMT informacion mbi projektin dhe mundësi për dëgjesë publike, por aktivizimi i fadromës trazoi qetësinë e banorëve dhe u shënuan edhe konflikte fizike.
“Po grabitet prona. Nuk jemi njohur me projektin. Një pjesë e godinave janë në proces legalizimi. Pa parti, në mbrojtje të krahinës,” ishin disa nga reagimet e banorëve të Radhimës të cilët iu drejtuan policëve edhe me këtë fjalor:
“Si kemi me lekë droge dhe hashash. I kemi me gjak e djersë!”
Madje kishte dhe nga ata që kërcënuan:
“Për ça vini këtu?! Na degjeneruat, do t’ju vrasim.”
Aksioni për shembjen e ndërtimeve, siç thuhet nga IKM pa leje, vijon prej disa kohësh përgjatë bregdetit të Vlorës dhe ka hasur në kundërshtime të forta të banorëve.
