Ilaçet nxitën vartësi, Johnson & Johnson duhet të paguajë 572 mln dollar
Kompania farmaceutike amerikane Johnson & Johnson duhet të paguaj 572 milionë dollarë si dëmshpërblim paditësit, shtetit Oklahoma, për shkak të rolit në nxitjen e vartësisë mbi ilaçet opioidike, theksohet në vendimin e gjykatës me arsyetimin se kompania farmaceutike është përgjegjëse për rritjen e numrit të vartësve me opioidik, si dhe për mbidozimin e individëve me ilaçet e tyre.
Pas këtij vendimi, drejtoria e kompanisë ka paralajmëruar ankesë ndaj vendimit.
“Pseudovartësia”
Gjyqtari Thad Balkman, në vendimin të cilin e ka marrë pas një procesi gjyqësor prej tetë javësh, ka sqaruar se dëshmitë konfirmojnë që lëvizjet e habitshme të marketingut të kompanisë kanë ndikuar në rritjen e nivelit të vartësisë ndaj opioideve dhe në mbidozimin e konsumatorëve të tyre.
Johnson & Johnson, tha gjyqtari, ka promovuar ilaçet e saj duke bindur mjekët dhe pacientët se dhimbjet nuk po shërohen në masë të duhur, dhe se ilaçet e tyre paraqesin risk të vogël kur është fjala për keqpërdorim dhe vartësi.
“Të akuzuari kanë shfrytëzuar shprehjen ‘pseudovartësi’ në përpjekje për të bindur mjekët dhe pacientët që tregojnë shenja të vartësisë se në fakt nuk vuajnë nga vartësia, por që mjekët nuk kanë bërë sa duhet për parandalimin e dhimbjeve,” ka sqaruar gjyqtari duke shtuar:
“Kriza me ilaçet opioidike paraqet rrezik dhe kërcënim për popullsinë e Oklahomas,” tha gjyqtari Thad Balkman.
Shuma të cilën kompania Johnson & Johnson duhet të paguaj si dëmshpërblim do të përdoret për parandalimin, kujdesin dhe shërimin e vartësve nga opioidet si dhe për ndihmë familjeve në Oklahoma.
Qendra amerikane për kontrollin dhe parandalimin e sëmundjeve, ka publikuar të dhënat sipas të cilave opioidet ndërlidhen me vdekjen e mbidoizmit të të paktën 400.000 personave në Shtetet e Bashkuara në periudhën prej vitit 1999 deri në vitin 2017.
Prokuroria e Shtetit të Oklahomas thekson se nga viti 2000 në këtë shtet federal nga mbidozimi me opioide kanë vdekur rreth 6.000 persona.
Prokurorët kanë kërkuar dëmshpërblimin prej 17 miliardë dollar.
Ndryshe, kjo është njëra nga qindra padi të ngritura në Shtetet e Bashkuara kundër kompanive farmaceutike që prodhojnë dhe në mënyra të ndryshme reklamojnë ilaçet opioidike.
