Ilir Meta dekoron Presidentin më Antidemokratik; PS e bojkoton, PD e nderon!
Ilir Meta edhe sot abuzoi me Zyrën e Presidentit të Republikës! Ndonëse Rexhep Mejdani ishte Presidenti më Antidemokratik i periudhës post-komuniste ai sot e dekoroi me “Dekoratën e Flamurit Kombëtar”.
Por çmenduria shqiptare nuk mbaron këtu.
Ish-Sekretari i Përgjithshëm i PS dhe Ish-Presidenti i zgjedhur nga radhët e kësaj partie, Rexhep Mejdani, u shpërfill nga Partia Socialiste dhe Kryeministri i saj Edi Rama edhe në një ceremoni vlerësimi si kjo, por ky President i shumë akteve antidemokratike nga viti 1997 deri në vitin 2002 nuk u bojkotua nga Partia Demokratike.
Duke pasur parasysh qëndrimin e tij për Kushtetutën e njëanshme të miratuar në vitin 1998, vrasjen e Azem Hajdarit si dhe 14 Shtatorin, zgjedhjet e vitit 2001 dhe shpërfilljen që i bëri vdekjes së Nënës Mbretëreshë Geraldinë, dekorata e vetme që i takonte këtij njeriu në ditëlindjen e tij të 76-të ishte “Dekorata e Turpit Kombëtar”.
Ndryshe, i qartë me të kaluarën antidemokratike dhe prokriminale të Ish-Presidentit të Republikës, Rexhep Mejdani, ishte dhe ngeli vetëm Ish-Presidenti i Kosovës, Ibrahim Rugova.
