Ilir Meta në GJKKO, nesër caktohet masa e sigurisë

Ish-Presidenti i Republikës dhe Presidenti i Partisë së Lirisë, Ilir Meta, do të paraqitet nesër në GJKKO në orën 09:30 për t’u njohur me masën e sigurisë.

“Prokuroria e Posaçme kundër Korrupsionit dhe Krimit të Organizuar sot, me datë 22.10.2024 ka paraqitur pranë Gjykatës kërkesën me objekt: ‘Marrjen në pyetje dhe  verifikimin e kushteve të zbatimit të masës së sigurimit për personat nën hetim Ilir Meta, Monika Kryemadhi, Piro Xhixho dhe Ema Çoku’.

Bazuar në nenin 248 pika 1 të K.Pr.Penale, seanca gjyqësore për shqyrtimin e kësaj kërkese do të zhvillohet më datë 23.10.2024 ora 09:30,” thuhet në njoftim!

Ndryshe, Ish-Presidenti Ilir Meta u arrestua dje me urdhër të SPAK, dhe ndaj tij rëndojnë tre akuza penale, “korrupsion”, “pastrim parash” dhe “mos deklarim pasurie”.