Ilir Meta në hall, pasi dështoi me LSI-në i drejtohet Asamblesë së PS-së!
Presidenti i Republikës, Ilir Meta, është riaktivizuar pa votimit të ndryshimeve në Kodin Zgjedhor kur e kuptoi se LSI rrezikon ekzistencën dhe ka filluar tu tregoj shqiptarëve, atë që ata e dinë që nga viti 1945 se kush është kriminel në këtë vend.
Para votimit të ndryshimeve në Kodin Zgjedhor, Kryeministri Edi Rama nga foltorja e Parlamentit të Shqipërisë tha se Ilir Meta ka takuar subjekte të OFL-së, fakt që e shqetësoi njeriun i cili është me personazhe të atij niveli edhe kur nuk kishte OFL!
Pse u shqetësua sot Ilir Meta! Këtë pritet ta thotë Edi Rama si ish-shkronjësi i fjalimeve të Ilir Metës, e sa për kërcënimin e Metës në Letrën drejtuar Asamblesë së Partisë Socialiste për shqiptarët nuk është risi, madje është paralajmrim për katastrofën që po vjen:
“Ky njeri pa Atdhe, pa nder, pa vlera më akuzon sot se kam takuar skutave subjekte të OFL-së. I kërkoj publikisht të bëjë publik emrin, skutën dhe orën kur e kam takuar këtë personazh të botës së krimit dhe unë do të jap menjëherë dorëheqjen.
Përndryshe, nëse nuk e bën këtë gjatë punimeve të Asamblesë së Partisë Socialiste, jam i detyruar të merrem çdo ditë me të dhe t’u faktoj shqiptarëve lidhjet e tij të tmerrshme me botën e krimit, dëmet ndaj çështjes kombëtare, dhe nuk do t’i ndahem derisa ta përzemë së bashku edhe nga Partia Socialiste,” thotë Ilir Meta dhe pavarësisht primtshmërive të tij, shqiptarët presin ditë më të vështira, sepse përvoja i mëson se këto konflikte pasohen me aleanca qeverisëse kriminale siç ndodhi në vitet 2000, 2001, 2003, 2007, 2013 e 2015.
Ndryshe, Partia Socialiste mbledh sot në orën 15:30 Asamblenë Kombëtare e cila pritet të nisë me fjalën e Kryeministrit Edi Rama, për të vijuar më tej me propozimin dhe zgjedhjen e organeve drejtuese të partisë.
MESAZH DREJTUAR ASAMBLESË SË PARTISË SOCIALISTE
Të dashur shoqe dhe shokë socialistë,
Po ju drejtohem si një prej ish-themeluesve dhe ish-anëtarëve të parë të Partisë Socialiste, që ndihet krenar për kontributin e dhënë, jo vetëm për modernizimin e kësaj force politike, anëtarësimin e saj në Internacionalen Socialiste, por edhe për arritjet e sukseset saj në vite, veçanërisht për miratimin me Referendum të Kushtetutës në vitin 1998.
Unë hyra në Partinë Socialiste, atëhere kur nuk shkonte asnjë i ri dhe kur Edi Rama hidhte baltë të zezë mbi socialistët dhe Luftën Antifashiste Nacionalçlirimtare.
Është ky individ, të cilin PS e mori nga refugjat dhe e bëri ministër, kryetar bashkie dhe kryeministër, i cili sot ka marrë peng këtë parti dhe po e keqpërdor stemën e PS-së për të bllokuar integrimin e Shqipërisë.
Ju e dini shumë më mirë se unë, se si ky njeri i papërgjegjshëm, përjashtoi nga kjo parti profesorët dhe intelektualët më të spikatur të vendit, për t’i zëvendësuar ata me trafikantë dhe kriminelë, të cilët ju skuqin sot nga turpi.
Ky njeri pa Atdhe, pa nder, pa vlera më akuzon sot se kam takuar skutave subjekte të OFL-së.
I kërkoj publikisht të bëjë publik emrin, skutën dhe orën kur e kam takuar këtë personazh të botës së krimit dhe unë do të jap menjëherë dorëheqjen.
Përndryshe, nëse nuk e bën këtë gjatë punimeve të Asamblesë së Partisë Socialiste, jam i detyruar të merrem çdo ditë me të dhe t’u faktoj shqiptarëve lidhjet e tij të tmerrshme me botën e krimit, dëmet ndaj çështjes kombëtare, dhe nuk do t’i ndahem derisa ta përzemë së bashku edhe nga Partia Socialiste.
Çdo ditë do e ftoj në debat televiziv, në çdo studio që do zgjedhë ai, dhe me çdo gazetar që preferon ai.
Në pritje të reflektimit!
Të dashur shoqe dhe shokë socialistë,
Ju uroj suksese në punimet e sotme të Asamblesë së PS.
I juaji si gjithmonë,
Me korrektesë dhe mbajtje fjale
ILIR META
