Ilir Meta si Sejdo Bajramoviç!
Asnjë mekanizëm i Brukselit nuk ka funksionuar në Evropën Juglindore, dhe në çdo iniciativë evropiane kur nuk përfshihej SHBA kishte vetëm luftë.
I tillë është edhe rasti me SEECP. Kjo iniciativë e cila funksionon nga viti 1996 me qëllim të forcimit të bashkëpunimit rajonal, sigurisë dhe stabilitetit, bashkëpunimit ekonomik si dhe bashkëpunimit në fushën e drejtësisë, luftës kundër krimit të organizuar dhe terrorizmit, sot mbajti Samitin e radhës në Bosnje Hecegovinë, vend ky i menaxhuar nga Bashkimi Evropian ku asgjë nuk funksionon. Kështu ndodhi edhe me pjesëmarrësit në këtë Samit!
Nikoqiri i këtij Samiti, Kryesuesi i Presidencës së Bosnje Hercegovinës si kryesuese e radhës së kësaj iniciative, krimineli serb Millorad Dodik, këtë bashkëpunim rajonal e kishte projektuar pa Kosovën shtet të pavarur.
SEECP ndonëse mbikëqyret nga BE, nuk reagoi dhe Presidenti i Kosovës, Hashim Thaçi u detyrua ta refuzoi pjesëmarrjen. Pas këtij vendimi absurd, Kryeministri i Shqipërisë, Edi Rama gjithashtu mori qëndrim të ngjashëm, ndonëse nuk përjashtohet mundësia që e ka përdor edhe për propagandë patriotike.
Që vendimi është absurd nuk kanë se pse e konfirmojnë as Thaçi dhe as Rama, sepse Kosova sot e papranueshme për SEECP si shtet i pavarur, është kryesuese e radhës së kësaj iniciative.
Por jo e gjitha përfundon këtu! Qeveria shqiptare informoi organizatorët e Samitit të SEECP se Shqipëria nuk do të marrë pjesë por papritur mbrëmjen e së hënës, në Sarajevë mbinë Presidenti Ilir Meta.
Ndonëse e gjitha u kalua me sportivitet për shkak të përplasjeve të mëdha që Edi Rama ka me Ilir Metën, dhe të gjitha mediat vendore dhe rajonale u morën me incidentin që ndodhi në aeroport me truprojet e armatosura të Presidentit turk Erdogan dhe Policinë Kufitare të Bosnje Hercegovinës.
Por Ilir Meta larg vëmendjes së Tiranës por jo edhe Kosovës, sot na bënë dhe patriotin. Përmes mediave që ka në shërbim në Tiranë, propagandon fjalën që mbajti në këtë Samit ku me demek i përplasi në fytyrë serbëve se “Kosova është shtet i pavarur e sovran dhe duhet të trajtohet me respekt, para së gjithash nga vetë fqinjët e saj,” dhe duke shprehur keqardhjen që kryesuesja e radhës së këtij procesi, Republika e Kosovës, nuk është e pranishme në këtë Samit vuri në dukje se: “Tashmë është koha e duhur që Bosnja dhe Hercegovina, e jo vetëm, të bëjnë përpara në drejtim të njohjes dhe pranimit të realitetit.”
Por praganda primitive komuniste e tij në Tiranë nuk u mjaftua me kaq! Filluan me marrëzirat e reagimeve serbe, çfarë i tha Kryeministrja e Serbisë, Ana Brnabiç, duke e shitur si fitore të madhe, prezencën e tij në Samitin e SEECP edhe pse prezenca e tij nuk ishte asgjë tjetër, përveç se një TURP!
Sejdo Bajramoviç
Ilir Meta në përplasjen e tij me Edi Ramën dhe fjalorin i cili kaloi çdo kufi normal të një drejtuesi institucioni, tha se është Avni Rrustemi, Mic Sokoli e madje edhe Vojo Kushi! Një personazh të historisë shqiptare e kishte harruar, Sejdo Bajramoviçin edhe pse sot në Sarajevë kishte marrë pikërisht këtë rol të turpshëm!
Sllobodan Millosheviç kur e bëri nul statusin e njësisë shtetformuese të Jugosllavisë, dhe i hoqi të gjithë shqiptarët nga institucionet shtetërore, i duhej një “shqiptar i ndershëm” për ta emëruar si anëtarë të Kryesisë. Dhe e gjeti: Sejdo Bajramoviç! Këtij madje i ra hise të bëhet edhe Kryesues i Kryesisë së RSFJ që në gjuhën kushtetuese quhet President i Jugosllavisë!
Po kush ishte Sejdo Bajramoviç! Ai mbahej si shqiptar nga Kosova, dhe në Kryesinë e Jugolslavisë ku e kishte çuar Millosheviçi, dëgjohej se Sejdo Bajramoviç po kërkonte edhe të drejtat e shqiptarëve ndonëse në momentin kur ai ishte zgjedhur, këto të drejta i kishte shkelur shefi tij në mënyrë që Sejdo të shkonte atje!
Kështu dhe Ilir Meta! Pasi krimineli Millorad Dodik i shkeli të drejtat e shqiptarëve të Kosovës në iniciativën SEECP, arsye kjo pse Prishtina zyrtare dhe Tirana zyrtare refuzojnë pjesëmarrjen, shkon Ilir Meta që të mbrojë të drejtat e Kosovës në Sarajevë. Por këtë nuk e hanë më shqiptarët e Kosovës!
Shqiptarët e Kosovës e njohin Ilir Metën si njeriu që firmosi mbylljen e Ambasadës së Kosovës në Tiranë. Në atë kohë Kryeministër, ai u arsyetua se kishte presion nga UNMIK-u, por nuk kaloi shumë kohë dhe Beogradi zyrtar e sqaroi se kjo Ambasadë ishte mbyllur me kërkesën e Serbisë!
Sot, jo shqiptarët e Kosovës por askush nuk mund t’ia ndaloj pjesëmarrjen në asnjë Samit, aq më shumë si President, por shqiptarët e Kosovës nuk presin nga Ilir Meta që të forcojnë shtyllat e shtetit të Kosovës. Si mund të shërbej një Sejdo Bajramoviç ata e panë në vepër, kujt do ti shërbej Sejdo Bajramoviçi i Edi Ramëës kjo nuk është çështje e Kosovës sepse ekskluzivitetin e mbanë dyshja kriminale Rama-Meta!
