Imazhi i rrënuar i Edi Ramës, Bordi ul çmimin e naftës dhe benzinës

Derisa kriza e Edi Rama po thellohet me “Skandalin McGonigal” në ndihmë i vjen Bordi i Transparencës me uljen e çmimeve të karburantit, në përpjekje për të kuruar imazhin e një Kryeministri që paguan lekë për të shkatërruar rivalët politik.

Kështu nafta do të tregtohet me 197 lekë nga 200 lekë për litër sa ishte më parë ndërsa benzina me 189 lekë nga 190 lekë për litër sa ishte më parë.

Ndërkohë çmimi i gazit mbetet i pandryshuar, 69 lekë për litër.

Ndryshe, çmimet e caktuara nga Bordi hynë në fuqi sot në datë 2 Shkurt, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 197 lekë/litri, ndërsa i shitjes me shumicë jo më shumë se 185 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 189 lekë/litri, ndërsa i shitjes me shumicë jo më shumë se 177 lekë/litër.

Çmimi i shitjes me pakicë i nënproduktit gaz, të jetë 69 lekë/litri me pakicë dhe i shitjes me shumicë 57 lekë/litër për automjetet.

Çmimi i gazoilit për peshkim është vendosur 103 lekë/litër.

Çmimet e caktuara nga Bordi do të hynë në fuqi në datë 2 Shkurt, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.