Imunologu i njohur: Atalanta-Valencia, përshpejtoi përhapjen e koronavirusit

Përballja e Ligës së kampionëve në mes të Atalantēs dhe Valencias në Milan ka ndikuar në përshpejtimin e përhapjes së koronavirusit në Itali, thekson imunologu i njohur italian, Francesco le Focce, raportojnë mediat në Itali.

Ndeshja u luajt më 19 Mars në stadiumin San Siro në Milan meqë ai në Bergamo nuk i plotësonte kriteret e UEFA. Por edhe pse ndeshja u luajt në Milan, në stadium ishin 40 mijë njerëz ose gati çdo i treti banor i Bergamos.

“Disa ngjarje të mëdha e shkaktuan përhapjen e virusit e njëra prej tyre është ishte me siguri ndeshja Atalanta- Valencia. Atalanta festoi fitoren 4:1, ishte kulmi i një euforie kolektive sepse mijëra njerëz ishi vetëm disa centimetra larg njëri-tjetrit. Përqafoheshin duke festuar pas çdo goli e në mesin e tyre mendoj se kishte plotë të infektuar që nuk i lejuan vetës të mos jenë në këtë përballje,” tha imunologu italian

Ndryshe, në Itali nga fillimi i përhapjes së COVID-19 kanë vdekur 4.825 persona, e Bergamo është njëri ndër qytetet më të goditura.