“Inceneratorët”/ Arrestimet, PD: Show, në pranga duhet urdhëruesi i kësaj afere, Edi Rama!
Urdhër arrestet, arrestimet dhe kërkesa për arrestim të deputetit të PS, Alqi Bllako, nga ana e SPAK lidhur me çështjen e inceneratorëve të Fierit dhe të Elbasanit nga ana e SPAK, për Partinë Demokratike është show i rradhës së drejtësisë së re me peshqit e vegjël.
Duke reaguar në emër të Komisionit të Rithemelimit të PD, Belind Këlliçi, tha se nëse sot drejtësia do t’i shkojë deri në fund aferës së inceneratorëve, prangat duhet të tunden mbi Ëngjëll Agaçin, Arben Ahmetaj, Erion Veliajn dhe mbi të gjitha kryeinskenuesin e kësaj afere, regjisorin dhe urdhëruesin e kësaj afere, Edi Ramën.
“Sot shqiptarët kanë parë se organi i akuzës ka lëshuar një seri urdhër arrestesh por i ka lëshuar për shërbëtoret e pushtetit. Pa diskutim ata që kanë hedhur firmën në këtë aferë janë përgjegjës, por ideatorët dhe përfituesit e vërtetë sikundër ne kemi vite që e themi, por e keni parë të faktuar me prova dhe dokumente, me prova autentike këto 6 muajt e fundit që nisin me Edi Ramën, Erion Veliajn, Arben Ahmetaj dhe Engjell Agaçin,” tha Belind Këlliçi i bindur edhe si anëtar i Komisionit Hetimor se kreu i gjithë kësaj vjedhje është inceneratori i Tiranës dhe personi përgjegjës Erion Veliaj.
Në fund, Belin Këlliçi ka sqaruar edhe një herë se nuk e ka votuar Raportin e Jorida Tabakut në Parlament pasi nuk i ishte dhënë Draft Raporti final dhe nuk kishte dhënë as opinionin mbi këtë Raportin ndonëse ishte anëtar i Komisionit Hetimor.
Ndryshe, Prokuroria Posaçme kundër Korrupsionit dhe Krimit të Organizuar, SPAK, pas hetimeve në kuadër të procedimit penal mbi bazën e kallëzimit të bërë nga subjektet politike Nisma Thurje, Partia Demokratike e Shqipërisë dhe Lëvizja Socialiste për Integrim, ka lëshuar 9 urdhër arreste 7 prej të cilave kanë përfunduar me arrestim në mesin e të cilëve edhe deputeti i PS, Alqi Bllako.
Deklaratë:
Sot pamë shown e rradhës së drejtësisë së re me “peshqit e vegjël”. Në fillim dua ta nis me një thirrje drejtuar PS dhe Edi Ramës që t’i hapë rrugë menjëherë mbledhjes së Këshillit të Mandateve dhe Rregulloreve, për t’i hapur rrugë hetimit të deputetit Alqi Bllako i cili është kërkuar sot nga organi akuzës. Por, për asnjë moment qytetarët shqiptarë nuk duhet ë harrojnë se Alqi Bllako dhe Lefter Koka janë vetëm pikënisja e kësaj afere.
Nëse sot drejtësia do t’i shkojë deri në fund aferës së inceneratorëve, pa asnjë mëdyshje, prangat duhet të tunden mbi Ëngjëll Agaçin, Arben Ahmetaj, Erion Veliajn dhe mbi të gjitha kryeinskenuesin e kësaj afere, regjisorin dhe urdhëruesin e kësaj afere, Edi Ramën.
Gjatë këtyre muajve opinionit publik i është bërë e ditur, dhe këtu gjej rastin të përshëndes mediat investigative, portalet e ndryshme, gazetarë me shumë kurajo që kanë thënë të vërtetën atëherë kur censura ka qenë e plotë mbi këtë aferë.
Dua të gjej rastin të përgëzoj edhe punën që është bërë edhe në komisionin hetimor për inceneratorët, për të bëre transparencë mbi këtë aferë.
Dua të përshëndes bashkëpunim që kemi patur me parti të tjera opozitare, në mënyrë të veçantë me LSI, që ka bërë publike me dhjetëra dokumente autentike dhe çdo demokrat, çdo opozitar, çdo deputet dhe çdo qytetar që ka ngritur zërin për këtë aferë.
Sot shqiptarët kanë parë se organi i akuzës ka lëshuar një seri urdhër arrestesh por i ka lëshuar për shërbëtoret e pushtetit. Pa diskutim ata që kanë hedhur firmën në këtë aferë janë përgjegjës, por ideatorët dhe përfituesit e vërtetë sikundër ne kemi vite që e themi, por e keni parë të faktuar me prova dhe dokumente, me prova autentike këto 6 muajt e fundit që nisin me Edi Ramën, Erion Veliajn, Arben Ahmetaj dhe Engjell Agaçin.
Vërtetë sot ka patur disa urdhër arreste ne inceneratorin e Fierit dhe të Elbasanit, por kreu i gjithë kësaj vjedhje është inceneratori i Tiranës, është skema mafioze me inceneratorin e Tiranës dhe personi përgjegjës është Erion Veliaj, i cili me firmën e tij, personalisht i ka hapur rrugë koncenionarit për të marrë 128 mln euro, një kompani e cila është themeluar 24 ore para se të merrte kontratën me shtetin shqiptar.
Afera e incenetatorëve na ka bërë të njohur me fakte dhe prova tronditëse sesi kjo vjedhje galopante e cila ka tronditur çdo shqiptar, ka thyer çdo rekord botëror për sa i përket procedurave, që janë miratuar 17 procedura brenda një dite, një natë dhjetori i vitit 2014, se si është hedhur hi syve të shqiptarëve me media të paguar në mënyrë të rregullt, sesi gjatë periudhës së pandemisë inceneratorët shpenzonin qindra mijëra lekë me bileta udhëtimi, ndërkohë që e gjithë bota ishte e izoluar. Sesi pronarët e inceneratorëve merrnin para nga shteti, paguanin veten për të këshilluar vetveten. Dhe sesi inceneratori i Elbasanit dhe Fierit prinin fatura për sheqer, oriz dhe makarona.
Unë uroj që drejtësia në këtë rast, në këtë dosje të bëjë një here të vetme drejtësi. Sot nuk është një lajm i gëzueshëm, vetëm kërkesa për të arrestuar një deputet të PS dhe për të çuar pas qelisë një sërë drejtuesish të Ministrisë së Mjedisit dhe agjencive të tjera të përfshirë. Por sot është momenti për të ngritur zërin dhe për të kërkuar që Edi Rama, Erion Veliaj, Arben Ahmetaj dhe Engjëll Agaçi të mbajnë përgjegjësi për aferën më të madhe korruptive të shekullit.
