“Inceneratorët”, Berisha: Të gjithë janë në SKAP! Edi Rama, Thjeshtra, Lulzim Brava…

Afera e inceneratorëve ishte edhe sot kryefjala e konferencës së përjavshme të Kryetarit të Partisë Demokratike, Sali Berisha, ku akuzoi Kryeministrin Edi Rama se ka urdhëruar skapistët e tij të injorojnë procedurën, sepse procedura çon direkt tek Edi Rama!

Ku fluturuan 12 milionë euro? Afera familjare po mbulohet nga SKAP-i i partisë, ku Kryetari i Partisë Demokratike mendon se janë të gjithë madje akuzoi edhe Lulzim Bravën se bllokoi aferën 12 mln euro të thjeshtrës së Ramës ndërsa Arben Kraja mbyti hetimin për djegësin e Tiranës.

“Edi Rama, organizata e tij kriminale, qeveri-SKAP, bënë gjithçka të arkivojë në harresë, vjedhjen e shekullit, e cila ka një përgjegjës kryesor që është Edi Rama dhe të tjerë rreth tij, të njohur, Erion Veliaj, Engjëll Agaçi, Artur Metani, Damian Gjiknuri dhe ndonjë tjetër.

Por e garantoj se kurrë kjo aferë nuk mund të groposet.

Në groposjen e kësaj afere, ai ka urdhëruar organizatën kriminale të SKAP-it, që të mos trajtojë procedurën, e cila përbën kolonën kryesore mbi të cilën ngrihet piramida e vjedhjes dhe korrupsionit të shekullit, që është inceneratorët.

Ka urdhëruar skapistët e tij të injorojnë procedurën, sepse procedura çon direkt tek ai, te Agaçi i tij, te Erion Veliaj dhe hajdutë të tjerë të kësaj organizate.

Për rikujtesë qytetarëve, nuk është kjo një deklaratë politike, por Edi Rama në vitin 2014, anulon me një vendim korruptiv, strategjinë e mëparshme të hartuar me një financim prej 4 milionë eurosh nga BE për trajtimin e mbetjeve në Shqipëri, bazuar në landfille, grumbullim, seleksionim dhe riciklim.

Rama u angazhua direkt vetë me ekipin e tij për të anuluar këtë strategji dhe për të shpallur gjendjen e emergjencës kombëtare, vetëm e vetëm që të instalonte strategjinë e djegies së plehrave, në të cilën ata parashikonin t’u vidhnin shqiptarëve qindra milionë euro.

Edi Rama, pasi ka ndryshuar me firmën e tij strategjinë, ka vendosur në buxhetin afatmesëm, veprat e zeza korruptive të incneratorëve, sepse ato nuk ekzistonin.

Edi Rama me Agaçin dhe Metanin, janë famëzinjtë, të cilët përligjën pas firmosjeve të rrufeshme në 24 orë, 17 firma në 19 dokumenta në dhjetor të vitit 2016, për procedurën e negociatave të mbyllura, procedurë për çka Rama u informua dy herë se është antiligjore, nga drejtori i asaj kohe i entit të prokurimeve publike.

Por kjo për Ramën nuk kishte rëndësi. Ishte babëzia e tij e tmerrshme, sepse ai kishte lexuar dhe e dinte se mafia e plehut është mafia që pasurohet më shpejt dhe më shumë. Se mafia ka dhuntinë kriminale të shndërrimit të plehrave në flori për pronarët e sipërmarrjes.

Kështu që ai firmosi të aplikohet një procedurë antiligjore në tenderimin e kompanive që do ndërtonin inceneratorët.

Edi Rama, në një akt unik në historinë e botës, firmosi në dhjetor të vitit 2016, vendimin e Këshillit të Ministrave, për t’i dhënë bonos 8 pikë një kompanie që nuk ekzistonte kund në Shqipëri. Një kompanie që do themelohej vetëm 9 muaj më vonë. Një ditë përpara se ajo të dilte fitimtare e tenderit të parashikuar.
Pra, gjithçka është bërë në hetimin e organizatës kriminale SKAP, që të arrestohen vetëm kurbanë që pranon Edi Rama, por jo ata, të cilët janë përgjegjësit më kryesorë, duke filluar nga vetja e tij,” tha Sali Berisha duke akuzuar Edi Ramën dhe Thjeshtrën e tij se janë të implikuar kokë e këmbë me projektin e Eko Parkut në Porto Romano.

“Ne nuk kemi kurrë ndërmend të heqim dorë nga kjo, dhe ju besoj e keni parë se me çfarë intensiteti e kemi trajtuar ne këtë problem në këtë sallë.

E garantoj Edi Ramën se sa kohë të jetë kjo parti, nuk do i ndahet kurrë vjedhjes së shekullit, sepse ai është autori kryesor.

Sot ne këtu rikthejmë para jush njërën nga çështjet flagrante korruptive, kur Rama dhe thjeshtra janë të implikuar kokë e këmbë.

Për dijeninë tuaj, Klodian Zoto dhe thjeshtra, i vjedhin ëndrrën Edi Ramës dhe bëjnë një projekt për Eko Parkun e Porto Romanos, muaj përpara se të zgjohej Rama me sihariqin se në Porto Romano do ndërtojmë një Eko Park.

Për këto dhe të gjithë aferën e turpshme korruptive, ku firma e Ramës nxin në mënyrën më të qartë për çdo shqiptar përveç organizatës kriminale të SKAP-it të partisë, që e ka të ndaluar ta shohë, zoti Eno Bozdo që e ka trajtuar këtë çështje në mënyrë shumë të vendosur dhe të hollësishme, do ju referojë ju tani!

Kjo duhet të jetë sallë gjyqi për Edi Ramën.

Se nuk ka SKAP. Se po të kishte organe drejtësie, nuk ka nevojë t’i bëjmë ne.

Në mungesë tyre do bëjmë gjyqin publik. Prokurorin publik, avokatin publik, gjykatësin publik. Jo të shtetit.

Këtë do ta konceptoni në këtë formë. Në mungesë të drejtësisë, se po të ishte drejtësia, nuk është e drejtë që të konsumojmë kohën me këto çështje.

Në mungesë të drejtësisë, në emër të mbrojtjes të interesit publik, kjo sallë do t’i bëjë gjyqin publik Edi Ramës.

Ne do paraqesim vetëm dokumente zyrtare dhe gjithçka të bazuar në dokumente zyrtare,” tha lideri i opozitës duke e cilësuar një aferë korruptive si në filma.

“Shpall se do të ndërtojë Eko Parkun me iniciativë private. Bëhet tenderi, marrin pjesë katër kompani serioze.

Anulohet tenderi 3 ditë përpara mbylljes së afatit. Anila Denaj për këtë akt korruptiv, meriton të paktën 5 vite burg. Minimumi, shpërblehet dhe bëhet ministër.

Ke pasoja, nuk mund të anulosh tenderin. Pa një shkak ligjor, nuk e bën kurrë.

Anuloi tenderin, katër kompani serioze. Nuk ka rëndësi. Na ra tërmeti, tha. Se na ra tërmeti, një javë deshi kjo punë, sa u anuluan ato, për të kontraktuar pa tender, atë që donin.

A ka abuzim më të madh se kjo? Preteksti i tërmetit. Do të shihni ju pretekstet e tyre si janë. Ky ishte pretekst madhor dhe çdo njeri mendon se tani nuk do u përkushtohen këtyre eko parqeve, por do merren me tërmetin.

Jo, tre ditë më vonë, apo pesë ditë më vonë, lidhet kontrata me negociata të mbyllura, pa tender. Se ishte pazari. Rikthehet pazari pra. Se duhet të ndajnë paratë.

Më falni, 19 milionë euro. Denis Ymeri, një sipërmarrës shumë i fuqishëm, kishte timonin e Stela Gugales, thotë se unë e bëj këtë për 6 milionë. Se ku fluturuan 12 milionë, atë e di Edi Rama. Po, po Denisi e ka marrë për 600 milionë nga 1.9 miliardë që fituan tenderin.

Se ku shkuan 12 milionë euro, e di Rama që firmosi me keq vendosmëri këtë proces.

Pastaj edhe këtu, natyrisht thashë, thjeshtra e parë e republikës nxori fitimet e saj nga paratë e taksapaguesve shqiptarë, për mafiozët Zoto dhe Mërtiri, nga paratë e djegësave.

Pra, është një aferë familjare e turpshme, e cila mbulohet nga organizata kriminale SKAP-i i partisë,” tha Berisha duke dhënë detaje të reja që implikon Lulzim Bashë, që sipas tij, bllokoi aferën 12 mln euro të Thjeshtrës së Edi Ramës, ndërsa Arben Kraja mbyti hetimin për djegësin e Tiranës.

“Të gjitha janë në SKAP. Për këtë periudhë, këtë aferë në PD e bllokoi, të themi të vërtetën, Lulzim Brava, për shkak se thuhet se aty ishin aksionerë dhe ndarje parash- fakte nuk kam- po thuhet se njëra kompania, Victoria Invest sponsorizonte Bashën, kurse ai tjetri ishte përfaqësues i Ramës.

Në fakt, këtu del një lojë e paimagjinueshme ku në fund vidhen 12 milionë dhe Denis Ymeri thotë unë e bëj për 6 milionë, të tjera merrini ju.

Të gjitha janë në SKAP.

SKAP është një organizatë kriminale që falsifikon dokumente, manipulon dokumente, fsheh dokumente.
Nëse merr procedimet e deritanishme.

E liruan apo akoma ky Bllako? Alqi Bllako ka qenë Sekretar i Përgjithshëm i të gjithë koncesioneve të djegësave. Nuk ka ligj në botë që nuk e mbante atë të paktën 25 vite për dëmin që ka bërë. Për dëmin që ka bërë.

Por ai ka qenë një njeri që ka zbatuar porositë e eprorëve. Madje Lefterin e dënuan më shumë, se Lefterin e ka tërhequr më shumë Alqi se të tjerët në lakmi.

Po njeriu, në kuptimin ligjor më direkt se të gjithë të tjerët, se ai ka pasur në mbikëqyrje, në mos i ka organizuar vetë, komisionet e prokurimeve.

Ju e morët vesh që deri para dy ditësh, djegësin e Tiranës, bënte sikur e hetonte ish-oficeri i sigurimit famëzi të shtetit, Arben Kraja.

Dy familjarë, nip e mbesë në bashkinë e Tiranës, në pozicione shumë të rëndësishme. Dhe deklaronte se në hetim, nuk jam në konflikt interesi.

Si nuk je në konflikt interesi aty? Çfarë do të thotë kjo?

Prandaj edhe hetimi u sofokua, u mbyt,” tha kryedemokrati duke akuzuar prokuroren Millonai se mbylli dosjen e Don Lalës për inceneratorët dhe vjen në SKAP në vend që të shkojë aty ku e meriton.

“Jemi dëshmitarë këtu, të gjithë ata që kanë memorie dhe rekorde, se si Saimir Tahiri, në 32 vite, i pari ministër i Brendshëm që përfundoi në Shtëpinë e Bardhë.

A është kështu apo jo?

Një nga historitë më të turpshme të Shqipërisë.

Çoi në Shtëpinë e Bardhë njeriun, të cilin organet zyrtare, sepse Zagani ishte oficer antidroge, të cilin opozita me fakte e kishte denoncuar me dhjetëra herë për makinën dhe lidhjet e tij me drogën, ai përfundoi.

E lëmë Saimir Tahirin, merr Taulant Ballën. Taulant Balla shkon nga një vend në tjetër, me rekordet më kriminale që mund të ketë pasur një ministër në historinë e këtij vendi.

Nuk jam unë, por është TIMS që ka faktuar se ka bërë 54 rrugë me Edmond Begon. Çfarë kanë qenë ato rrugë? Ato rrugë kanë qenë për të mbrojtur me pasaportë diplomatike, çantat e kokainës, çantat e drogës!

A mund të shkojë kush me një njeri, përveçse me gruan, se doja të thosha as me gruan, nuk mund të shkojë dikush 54 herë jashtë me një tjetër? Si mund të shkosh 54 herë jashtë me një tjetër?

Shkon me një shërbim, shkon për të ndarë fitim. Shkon për të ndarë fitim me Edmond Begon, për të përdorur pasaportën diplomatike për të kaluar valixhen.

Dhe këtë Taulant Balla e ka bërë me dokumente edhe në Qafë Thanë me trafikantë të tjerë.

Si mund të shkojë Taulant Balla, t’ju pyes unë ju, a është ky ministër i Brendshëm? Si mund të shkojë kur ka kilometra të tëra regjistrime në SKAP, i fshehin apo jo, kur ky ndërmjetëson për tenderat e bandës së Xhaferris?

Si mund të shkojë Taulant Balla, kur në sallë të gjyqit është akuzuar si organizator i vrasjes së avokatit? Se avokati kishte parë, kishte lexuar regjistrime të bisedave që faktonin se ai ka porositur vrasje. Dhe avokati i vrau.

Regjistrimet, Kreshnik Ajazi në mënyrën më kriminale, që është sot në SKAP, atëherë më thuaj mua se çfarë është Kreshnik Ajazi?

Urdhëron bashkë me një gjykatëse që të digjen regjistrimet. Se Taulanti nuk është Taulanti. Po nëse Taulanti nuk ishte Balla, si mund të digjeshin?

Ato nuk digjeshin në asnjë rast, ishte apo nuk ishte Balla. Ato bëheshin objekt hetimi.

Ku është Kreshnik Ajazi? Kreshnik Ajazi është sot prokuror SKAP-i. Është, mesa di unë.

Do vijë? Po këto i ka bërë.

Shkoni e merrni pak vetingun e tij. Kur është firmosë vetingu i tij? Më 5 gusht. Më thonë se ka gjëra që do verifikohen.

Po Albert Shehaj, e di se çfarë është ai? Një njeri që del e u thotë shqiptarëve, se në makinën e Mehmet Grecës, trafikantit të dënuar 7 vjet për kokainë në Britaninë e Madhe, nuk kishte materiale zgjedhore. Dhe detyrohen pas ditësh të thonë të kundërtën. Dhe ky shpërblehet nga Taulant Balla për në SKAP.

Si mund të pranohet Millonai që mbyll dosjen e Don Lalës për inceneratorët dhe vjen në SKAP në vend që të shkojë aty ku e meriton?

Si mund të them unë? Nuk ka njëri që mund të respektojë më shumë se unë ata që zbatojnë ligjin. Nuk ka njeri që vlerëson më shumë guximin e tyre.

Por çfarë shoh unë? Pse e them këtë? E them se njëri i arreston Bajrët në Shkodër dhe bravo i qoftë. Ishte prokuror. I arreston dhe i sjell në Tiranë. Dhe SKAP thotë se këta nuk janë organizatë. Tallen me Shqipërinë, tallen me ligjin, tallen me çdo gjë.

Marrin nën hetim Nuredin Dumanin dhe del çdo gjë sikur po vjen këtu para jush jo si në një hetim të mbyllur, duke dëmtuar çdo gjë.

Pra, këto janë. Nuk ka diskutim. Unë nuk dua t’i mohoj kurrë një njeriu, asnjë kontribut, asnjë zbatim ligji. Por këta funksionojnë si organizatë kriminale.

Kurrë nuk ka ekzistuar një situatë e tillë në drejtësi. Ata mund të priten këtu e atje. Saimir Tahiri u prit shumë më lart, po ku është.

Nuk duhet t’i marrim gjërat kështu se janë shqiptarët ata që paguajnë,” tha Kryetari i Partisë Demokratike duke shtuar se Thjeshtra e parë e republikës ka fituar me dhjetëra tendera, veçanërisht nga Elva Margariti.

“Në aferën e inceneratorëve nuk kam për projekte të saj, por në aferë të tjerë, të shumta.

Dhe të gjitha do paraqiten të gjitha këtu, sepse Kushtetuta ndalon që familjarët e kryeministrit të marrin pjesë në tendera. Nuk mund të marrin,” tha Kryetari i Partisë Demokratike, Sali Berisha, sot në konferencën e përjavshme duke përfunduar:

“Kushtetuta ndalon që familjarët e kryeministrit të pasurohen duke përdorur fondet publike dhe pasuritë publike. Dhe ajo duhet zbatuar, jo duhet shkelur.

Kurse thjeshtra e parë e republikës ka me dhjetëra tendera, të fituar veçanërisht nga kjo Elva Margariti, e cila kështu duket si shumë e heshtur, por ka një dobësi të jashtëzakonshme për thjeshtrën.

E shkatërroi të gjithë sektorin. Ua them unë, e shkatërroi!

Ka nga arkitektë dhe këta, që më thonë se e denoncojmë me emër, thuaj emrin tonë se po e denoncojmë, se na shkatërroi.

Mirëpo ç’t’i bësh Elvës, ia ka marrë mendjen.”