Incident në konferencë/ Tiranë, Serbia kërkon largimin e delegacionit të Kosovës…

Aty ku është Serbia duhet të ketë inicdente se s’bënë. Kështu ndodhi sot për fat të keq edhe në Tiran në konferencën mbi “Klimën në Ballkanin Perëndimor”, e cila nuk filloi në kohë (ore 10:00) vetëm pë shkak të pretendimeve të Serbisë për largimin e delegacionit kosovar.

Mësohet se delegacioni serb nuk ka pranuar të rrijë bashkë me delegacionin kosovar, të dy të ftuar si pjesë e kësaj konference.

Kosova nuk ka pranuar të përfaqësohet nën logon UMNIK, pasi është shtet i pavarur.

Ministri i Mjedisit të Kosovës, Fatmir Matoshi, ka sqaruar se sipas rregullave të OKB-së, Kosova duhet të paraqitet në aktivitetet e saj me përfaqësues të UNMIK-ut, gjë që është e papranueshme.

Delegacioni serb nuk e ka pranuar pjesëmarrjen e Kosovës në këtë Konference dhe uljen në një tryezë, e për këtë arsye janë larguar, duke mos dashur lejimin e Kosova si anëtare me të drejta të plota në Kombet e Bashkuara.

Në një prononcim për mediat Fatmir Matoshi, u shpreh se askush nuk duhet të ëndërrojë që ta përjashtojë Kosovën:

“Ajo që ka ndodhur sot ka të bëjë me rregulla strikte të Kombeve të Bashkuara që Kosova të jetë e përfaqësuar nën siglën e UMNIK-ut ose të personave të Kosovës të shoqëruar nga zyrtarë të UMNIK-ut, gjë që për zyrtarët e Kosovës është e papranueshme dhe nuk do të ndodhë. Ne kemi shfrytëzuar mundësinë që të takojmë gjithë donatorët dhe të kërkojmë mbështetjen e tyre. Tashmë do të zhvillohet një konferencë vetëm në nivel teknik.”

Ndërkohë Ministri i Mjedisit Blendi Klosi tha se problemi lidhej thjesht me protokollin, por ishte iniciativë e Ministrisë së Mjedisit të Shqipërisë që edhe Kosova të ishte pjesë e tryezës.

“Është një aktivitet i organizuar nga Kombet e Bashkuara, ka personalitete të shquara të gjithë botës dhe institucioneve ndërkombëtare. Kur vjen puna te fondet, Kosova është pjesë e diskutimit. Për sa i përket rregullave të Kombeve të Bashkuara janë jashtë kompetencës sonë. Ne e bëmë ftesën sepse ishte e palogjikshme që të bënim konferencë për rajonin, pa praninë e Kosovës. Kishim një dakortësi me OKB-në dhe Serbinë, për zhvillimin e aktivitetit. Ajo që nuk u pranua nga organizatorët ishte prezenca me të drejta të plota të Kosovës, më detyroi dhe mua që të bënim 2 orë diskutime dhe negociata me ta. E rëndësishmja është që konferenca të zhvillohet. Tashmë Kosova do të jetë e pranishme me statusin e të ftuarit special”, u shpreh ai.