Indeksi Global i Korrupsionit, Shqipëria dhe BeH më të korruptuarat në Ballkan

Kompania zvicerane për administrimin e riskut, Global Risk Profile, GRP, ka publikuar Indeksin Global të Korrupsionit, GCI, për vitin 2021, ku Shqipëria renditet e 125 me vlerën 51.87 dhe vlerësimin e riskut nga korrupsioni “mesatar” ndërsa Kosova e 122-ta me 51.69 dhe vlerësimin e riskut nga korrupsioni gjithashtu “mesatar”.

“Botimi i katërt i Indeksit Global të Korrupsioni, GCI, mbulon 196 shtete dhe territore dhe ofron pasqyrën gjithëpërfshirëse të gjendjes së korrupsionit në gjithë botën në bazë të 43 variablave. Rezultatet sipas vendeve është prezantuar në shkallën prej 0 deri 100, ku 0 i përgjigjet riskut më të ulët, e 100 atij më të lartë,” ka sqaruar kompania nga Zvicra. 

Në Ballkan më mirë i renditur qëndron Mali i Zi në vendin e 89 me vlerësimin 44.36, e pasuar nga Maqedonia e Veriut me 43.56 në vendin 85, Serbia me 44.85 në vendin 92, duke përfunduar me Bosnje Hercegovinën me 54.54 në vendin 131. 

Renditjen e kryesojnë Finlanda dhe Norvergjia ndërsa fundi i këtij klasifikimi nuk sjellë befasi me Korenë e Veriut, Sirinë dhe Libinë.