Indeksi i biznesit, Dhoma Amerikane: Rënia më e madhe në 8 vjet, bizneset të shqetësuara…

Indeksi i biznesit të Dhomës Amerikane që mat klimën e të bërit biznes për anëtarët e Dhomës ka shënuar rënien më të madhe në tetë vjet. Duke konstatuar lëtë rënie, Presidenti i Dhomës Amerikane të Tregtisë, Enio Jaço, tha se është dyfishuar numri i anëtarëve të Dhomës që mendojnë se në Shqipëri ka një klimë të pafavorshme biznesi.

Si asnjëherë tjetër, pothuajse të gjithë treguesit janë të përkeqësim, me vetë 4 nga 27 indikatorët që janë përmirësuar lehtë.

Një rënie shumë të madhe ka shënuar klima e brendshme politike që ka shënuar dhe përkeqësimin më të madh dhe është problem i parë i bizneseve të anketuara. Vitin e kaluar problemi kryesor ishte monopoli dhe konkurrenca e pandershme.

Shqetësimi i dytë më i madh i anëtarëve është monopoli dhe konkurrenca e pandershme, i ndjekur nga gjetja e stafit të specializuar.

Performanca e ekonomisë shqiptare është shqetësimi i katërt. Më pas renditet klima e biznesit, korrupsioni, e ndjekur nga informaliteti dhe burokracia e qeverisë.

Më pak problematike për bizneset janë marrëdhëniet me taksat e tatimet si dhe furnizimi me energji, i cili është nga të paktat çështje që janë në përmirësim.

Presidenti i Dhomës Amerikane të Tregtisë, Enio Jaço, duke konstatuar këtë rënie në 38 pikë nga 100 të plota, tha se anëtarët e Dhomës mendojnë se në Shqipëri nuk ka klimë të favorshme biznesi për shkak të monopoleve, tregtisë së pandershme, klima politike si dhe trendi negativ për gjetjen e stafit të kualifikuar.

”Kompani që përfaqësojnë 20-25% të ekonomisë shqiptare. Kemi një pjesëmarrje shumë të lartë në Indeks, 70% e kompanive kanë marrë pjesë, dhe është pjesëmarrja më e lartë në 8 vite.

Kompanitë përfaqësojnë 16 sektorë të ndryshëm, turizmi, ekonomi, ndërtim, telekomunikacion. Indeksi ka një rënie prej 38 pikësh, nga 100 të mundshme, rënia më e madhe.

Një nga për të qenë i saktë, shkalla është nga 0-100. Thjeshtësuar mund ta cilësojmë mbi 50 klimë e favorshme nën 50 e pafavorshme. Klima ka qenë e pafavorshme. 66% e anëtarëve të dhomës së tregtisë e konsiderojnë klimën të pafavorshme, 26% neutrale. Indikatori më i ulët i regjistruar ndonjëherë. Situata me monopolet, tregti e pandershme, ka pasur dhe një përkeqësim. Ka pasur një trend negativ në 8 vite, gjetja e stafit të kualifikuar. 70% e anëtarëve tanë kanë pasur probleme me klimën e biznesit.

Është dyfishuar numri i anëtarëve që e shohin klimën e biznesit të pafavorshme.

Ka dhe lajme të mira. Anëtarët tanë ndjejnë një konfidencë me institucionin e doganave dhe tatimet. Të dyja këto elemente qëndrojnë tek 60 pikët si nivel,” tha Presidenti i Dhomës Amerikane të Tregtisë, Enio Jaço, duke falënderuar Gjon Bardhin e Doganave dhe Delina Ibraimajn nga Tatimet ndërsa përfundoi:

“Anëtarët e shohin të ardhmen pozitive. Ne i pyesim jo vetëm për aktualitetin por edhe për të ardhmen. Ata shprehen optimistë. Me hapjen e mundshme të negociatave është oportunitet i jashtëzakonshëm për Shqipërinë. Rezultat e Indeksit nuk janë të mira, dhe duhet të vendosemi në një situatë aktive. Sitauta post- covid do të jetë e jashtëzakonshme. Të punojmë së bashku, sidomos privati, të punojë ngushtë me institucionet publike. Shqipëria është vendi më atraktiv për investime të huaja.”