Indeksi i Demokracisë/ Reagimi, Basha: Shqipëria një hap larg autoritarizmit!

Pas publikimit të Indeksit të Demokracisë nga The Economist ku Shqipëria renditet në vendin e 79 duke shënuar dhe nivelin më të ulët të demokracisë që nga viti 2014, Kryetari i Partisë Demokratike, Lulzim Basha, reagon dukshëm i shqetësuar duke e konsideruar vetëm një hap larg autoritarizmit.

“Indeksi i Demokracisë i @TheEIU e klasifikon Shqipërinë regjim hibrid një hap larg autoritarizmit, për shkak të mungesës së një qeverie funksionale, parregullsive në zgjedhje, korrupsionit të lartë, sundimit të dobët të ligjit dhe mungesës së drejtësisë së pavarur,‬” thekson Lulzim Basha në reagimin e tij përmes rrjetit social Twitter pas publikimit të panoramës së situatës së demokracisë në mbarë botën, në 165 shtete të pavarura dhe dy territore.

‪Shqipëria shënoi përkeqësim, konstaton Kryetari i Partisë Demokratike, Lulzim Basha, duke rënë nga vendi i 76 në vendin e 79-të ndërsa përfundon:

“Nismat ligjore për të penguar lirinë e shprehjes synojnë që të manipulojnë dhe të mbajnë të fshehura të vërtetat e gjendjes së keqe ku ka katandisur kjo qeverisje vendin.”

Ndryshe, Indeksi i Demokracisë bazohet në pesë kategori: procesi zgjedhor dhe pluralizmi; funksionimi i qeverisë; pjesëmarrja politike; kultura politike; dhe liritë civile. Bazuar në rezultatet e tij në një gamë të indikatorëve brenda këtyre kategorive, secili vend më pas klasifikohet si një nga katër llojet e regjimit: “demokraci e plotë”, “demokraci në lulëzim”, “regjim hibrid” ose “regjim autoritar”.

Reagimi i plotë:

Indeksi i Demokracisë i @TheEIU e klasifikon Shqipërinë regjim hibrid një hap larg autoritarizmit, për shkak të mungesës së një qeverie funksionale, parregullsive në zgjedhje, korrupsionit të lartë, sundimit të dobët të ligjit dhe mungesës së drejtësisë së pavarur.‬

‪Shqipëria shënoi përkeqësim duke rënë nga vendi i 76 në vendin e 79-të. Nismat ligjore për të penguar lirinë e shprehjes synojnë që të manipulojnë dhe të mbajnë të fshehura të vërtetat e gjendjes së keqe ku ka katandisur kjo qeverisje vendin.