India mund ti dëboj 4 milionë banorë, Akuza: “Duan ti heqin qafe myslimanët!”

India ka shpallur regjistrin e popullsisë për shkak të të cilit katër milionë banorë nga shteti verilindor Assam mund ta humbin nënshtetësinë, thekson BBC.

Regjistri kombëtar i qytetarëve, NRC, është regjistrimi i njerëzve të cilët kanë arrit të dëshmojnë se në Assam jetojnë para 24 marsit të vitit 1971, përkatësisht ditën kur Bangladeshi shpalli pavarësinë.

Pushteti indian thekson se qëllimi është të largohen emigrantët e paligjshëm nga Bangladeshi por nga frika për shpërthimin e dhunës ata theksojnë se askush nuk do të përballet me dëbimin urgjent.

Të gjithë ata që duan të ankohen ndaj këtij vendimi, mund ta bëjnë këtë gjë deri në marrjen e vendimit përfundimtar  për statusin e tyre juridik.

“Duan ti heqin qafe myslimanët!”

Qindëra mijëra persona kanë ikur në Indi pas shkëputjes së Bangladeshit nga Pakistani dhe u bë shtet i pavarur, e shumica prej tyre janë zhvendosur në Assam, i cili sot ka më shumë se 30 milionë banorë.

Sipas marrëveshjes së Assamit e cila u arrit me ish-kryeministrin indian, Raiv Gandhi, të gjithë ata që nuk do të mund të dëshmojnë se janë vendosur në  Assam para 24 marsit të vitit 1971, do të çregjistrohen në gjendjen civile  dhe do të dëbohen.

“Kjo nuk është asgjë tjetër vetëm se komplot për krimet,” thekson zyrtari bengalez, Nazrul Ali Ahmed duke shtuar:

“Hapur po kërcënojnë se duan ti heqin qafe myslimanët  dhe këtu mund të ndodhë e njëjta gjë që ndodhi me Rohingy në Myanmar,” thekson Ali Ahmed.

Popullsia Rohinje është pakicë kombëtare në Myanmar. Pushteti nuk ju pranon shtetësinë, e budistët shumicë me shekuj akuzohen se po i diskriminojnë dhe po ushtrojnë dhunë ndaj tyre. Rreth 100 mijë Rohinj kanë ikur nga Myanmari pas dhunës që shpërtheu në vitin 2012.