Infektime dhe vdekje nga COVID-19, Basha: Shumë shpejt, nivele alarmante!

Kryetari i Partisë Demokratike, Lulzim Basha, dha sot alarmin përsituatën e shkaktuar nga COVID-19, si dhe atë çka mund të ndodh në vijim, ku shifrat flasin për një numër të madh të infektimeve dhe vdekjeve. Vendi është afër greminës, si nga aspekti i shëndetësisë dhe ai ekonomik tha Lulzim Basha duke bërë thirrje të nisin hetimet për ministren e Shëndetësisë, Ogerta Manastirliu dhe institucionet e tjera përgjegjëse për situatën.

“Çdo propozim që i kemi bërë është të shmanget më e keqja. Dhe mbyllja e parë që u bë nuk kishte pse të ishte aq e rreptë. Gjithçka Edi Rama bën është të mos i çojë lekët tek shqiptarët, ta bëjë keq e më keq situatën dhe t’i gënjejë njerëzit me një karamele. Mbyllja mund të shmanget nëse zbatohet Plani ynë me 5 pika. Ndaj do jem këtu ditë për ditë,” tha Lulzim Basha dhe se të dhënat për situatën me COVID-19 vijnë nga mjekët, e ata që e fshehin janë kryeministri Edi Rama dhe një grup i afërt rreth tij.

“Të dhënat që kam ndarë vijnë nga mjekët. Të vërtetën e fsheh Edi Rama dhe një grup rreth tij. Të dhënat vijnë nga COVID 1 dhe 2. Bëhet fjalë për një grup njerëzish të ngushtë të tij. Situata është realisht dramatike dhe ajo që e bën më dramatike është se është lënë në rënie të lirë. Në rënie të lirë vjedhja dhe batërdisja,” tha Kryetari i PD duke shtuar se ka 6 muaj që bëjnë thirrje që mijëra mjekë të familjes të bëhen pjesë e betejës që po bëhet edhe më e ashpër, më infektuese, më vdekjeprurëse për bashkëqytetarët tanë.

“Dje thash se spitalet janë mbushur. Askush nga qeveria nuk ka pranuar. Se hodhën as poshtë dhe të thoshin është e pavërtetë, apo dhe e vërtetë. Heshtje totale! S’fshihet dielli me shoshë. S’mundet të pranojmë si opozitë se një çështje që ka të bëjë me jetën e çdo shqiptari, e gjeli të vazhdojë të kakarisë si pulë nga mëngjesi në darkë. Për të fshehur realitetin e hidhur për të cilin është përgjegjës me batuta qesharake. Nuk ka asnjë alibi, ka vetëm keqqeverisje. Vjedhje e shpërdorim të detyrës në kuptimin politik të fjalës dhe shpërdorim të detyrës për kuptim penal. Sot duhet të kishte nisur hetimi për përgjegjësit, për ministren e shëndetësisë dhe të tjerët. Të gjithë kanë nisur nga puna për mbajtjen nën kontroll të shpërthimit vertikal të kurbës së infektimeve. Masa e suksesit nuk është që të fusë kokën si struc, dhe të thuash: ‘Keni fat që infektimet s’kanë arritur tavanin e rekordit dhe vdekjet s’janë në nivelet alarmante.’ Pasi kur të jemi aty, se do të jemi shumë shpejt, do dalësh e do brroçullitësh. Sot nuk ka kohë për të pritur, dhe në rrafshin e shëndetësisë dhe atë ekonomik. Vendi është afër greminës.”

Numri i infektimeve nga COVID-19 në Shqipëri është shumë më i lartë!

Për planin e mbajtjes së maskave në mënyrë të detyrueshme nga qytetarët, Basha tha se Shqipëria s’ka më masa reale pasi Rama mosmarrjen e masave e fsheh pas maskave. Madje lideri i opozitës tha se shifrat që raportohen nga autoritetet nuk janë reale, pasi numri i infektimeve nga COVID-19 në Shqipëri është shumë herë më i lartë.

”Siç kemi dëshmuar me dokumenta zyrtare të kësaj qeverie, paratë vijojnë të shpërdorohen në mënyrë kriminale, ua fal oligarkëve që s’bëjnë asgjë, njëgrusht njerëzish që s’bëjnë asgjë.

Sot na shpallet me pompozitet plani i maskave, kush do e mbajë, kur do e mbajë, si do e mbajë. Nuk ka masa reale si vendet e tjera të rajonit, Kosova apo Maqedonia. Rama mosmarrjen e masave e fsheh pas maskave. Nuk ka shqiptar që s’e kupton. Arsyeja pse Rama nuk merr masa për t’i ndihmuar, dhe pse gënjen që nuk e di Planin tonë me 5 pika, është se paratë vijojnë të rrjedhin tek oligarkët.

Shihni Maqedoninë, sot mediat shqiptare kanë raportuar një fakt që ne e kemi denoncuar, pothuajse dyfishi i shpenzimeve buxhetore për shëndetësinë nga shteti fqinj. Dyfishi pothuajse. Vetëm paratë e përcaktuara nga buxheti i vendit fqinj, është dyfishi krahasuar me shëndetësinë shqiptare.

Kemi një krizë tashmë. Disa prej mediave që raportuan teksa i ndjeri, Ish-Drejtori i Bashkisë Tiranë që vdiq nga COVID-19 nuk është raportuar tek rastet ditore, edhe i ati i vdiq nga COVID-19. Pra numri i infeksioneve është shumë më i lartë se sa raportohet. Dje një vend i madh në rajonin tonë bëri planin me 14 mijë skuadra mobile të përbëra nga 3 veta, me  automjet, masa mbrojtëse. Në momentin që zbulohet një i infektuar automjeti niset dhe kontrollon gjithë zonën që ka pasur kontakt. Këtu s’ka as 14 skuadra të tilla, që gjurmojnë kontaktet. ”

A do e vendosni maskën?

Me këtë rast Kryetari i PD duk eju përgjigjur pyetjes nëse do ta mbajë ai vetë maskën, ai sqaroi se me apo pa vendimin për mbajtjen e maskës me detyrim ai e ka respektuar vendosjen e saj si një masë parandaluese për COVID-19 por gjoba për maskat nuk mund të fshehë problemet reale, e diskutimi i këtij vendimi i shërben vetëm Edi Ramës.

“Maskën unë personalisht e kam mbajtur dhe ju kam këshilluar ta mbani shumë kohë më parë. Po ju them, mosmarrja e masave elementare nuk mund të fshihet nëpërmjet gjobave. Mbani vëmendjen tek problemi i vërtetë. Dhe dërgimi i parave nga oligarkët, ditën, javën, muajin kur ata kanë më shumë të nevojshme. Sot shteti e ka detyrim ligjor t’ua kthejë
Sa herë kujtohet ky, hiqni maskat, vini maskat, gjobë për maskat i shërben vetëm atij.”

Java e tretë e publikimit të Planit me 5 Pika të PD!

Edhe në javën e tretë të publikimit të Planit me 5 Pika, Kryetari i PD i ka kujtuar shqiptarëve që çdo dhimbje nuk vjen vetëm për shkak të pandemisë por për shkak se Edi Rama i ka katandisur.

“Fillon java e tretë e publikimit të planit tonë me 5 pika, kundër krizës ekonomike dhe hapave kundër valës së dytë të infektimeve nga COVID. Dy javë me radhë, unë, ekspertët dhe ju media, përmes gazetarëve që raportojnë, e keni bërë këtë plan të ditur dhe e keni shprehur se çfarë propozon PD dhe opozita. Ne kemi denoncuar gjendjen që sa vjen e rëndohet të shëndetësisë, të mjekëve dhe infermierëve, rritjen e pacientëve të të infektuarve e COVID-19, ndërkohë që i vetmi që i bën bisht përgjegjësisë është njeriu që ka ne dorë që të ndihmojë njerëzit në nevoje, pacientët, shqiptarët. Shumica dërrmuese e të rinjve se mbajnë mend një film ku një person, endej nga kantieri në kantier, ku ishte personazhi i ‘Robert Çamçakëzi’. Edi Rama është Robert Çamçakëzi. Ai pyetet; A e njihni planin e PD dhe çfarë po bëni për të ndihmuar njerëzit. Duhet t’i kujtojmë shqiptarëve që çdo dhimbje s’vjen vetëm për shkak të pandemisë, por për shkak se Rama i ka katandisur. Rama fryhet si gjel e kakaris si pulë, tjetër gjë bën. Ai s’ka mbajtur asnjë premtim për t’i dhënë bonus mjekëve e infermierëve.”, tha Basha duke akuzuar qeverinë për sjellje kriminale me qytetarët shqiptarë:

“Vendi në qorrsokak drejt greminës. E vetmja mënyrë për ta frenuar të marrim ato masa që po marrin me efektivitet vendet në rajon. Masa e vetme e bërjes apo jo të detyrës është a i ke marrë këto masa dhe çfarë efekti kanë dhënë. Situata nuk do ishte kështu nëse do ishin bërë ato që kemi thënë ne. Prej marsit i kërkoj 2500 testime në ditë. Plotësisht e mundur për të përballuar me vërtetësi përmasat e vërteta të pandemisë. Kjo sjell obligimin tjetër, gjurmimin e rasteve. Kjo është detyra e qeverisë jo të dalin si sharlatanë, vëre maskën këtu mos e vër aty. Kjo është të lash duart. Dje kemi arritur një rekord infektimesh.”

Sa i përket paketës ekonomike janë premtuar prej muajit maj dhe qershor masa shtesë, paketa e tretë, tha Lulzim Basha, dhe është me zë e figurë, ku shihet se si sillet me shqiptarët:

“Nxirrjani palaços siç ia nxjerrim ne. Është detyrë e medias. Është dhe për disa koha ka çelësat. Përballeni me shqiptarët kur thotë kemi bërë gati paketën e tretë, ndërkohë që vendet e tjera kanë bërë paketën e katërt. Është kriminale mënyra se si sillet me shqiptarët, me mjekët e infermierët. Një kriminel pret të vijë më e keqja për të nxjerrë me pikatore. Ky është plani ta lë të keqen deri në fund pastaj të nxjerr pikatoren. Kjo nuk është papërgjegjshmëri, nuk është keqqeverisje, është krim.”