Inflacioni i Nëntorit 2.1%, por qiratë dhe ushqimet rriten nga 4 – 4.9%

Çmimet e qirave dhe ushqimeve në rritje ishin përbërësit kryesorë të inflacionit në muajin nëntor, i cili ishte 2.1 për qind sipas të dhënave zyrtare të INSTAT.

Rritja vjetore e çmimeve në muajin nëntor është ndikuar kryesisht nga grupi “Qira, ujë, lëndë djegëse dhe energji” me +0,81 pikë përqindje, pasuar nga grupi “Ushqime dhe pije joalkoolike” me +0,51 pikë përqindje.

Gjithashtu, çmimet e grupit “Mobilie, pajisje shtëpie dhe mirëmbajtje e shtëpisë” ndikuan me +0,21 pikë përqindje, çmimet e grupit “Pije alkoolike dhe duhan” me +0,14 pikë përqindje, çmimet e grupit “Hotele, kafene dhe restorante” me +0,13 pikë përqindje, çmimet e grupit “Mallra dhe shërbime të ndryshme” me +0,09 pikë përqindje, çmimet e grupit “Shërbimi arsimor” me +0,07 pikë përqindje, çmimet e grupit “Argëtim dhe kulturë” me +0,06 pikë përqindje, çmimet e grupit “Transporti” me +0,05 pikë përqindje, çmimet e grupit “Komunikimi” me +0,04 pikë përqindje, çmimet e grupeve “Veshje dhe këpucë” dhe “Shëndeti” me +0,02 pikë përqindje secili.

Krahasuar me muajin nëntor 2024, rritja më e madhe e çmimeve vërehet në grupin “Qira, ujë, lëndë djegëse dhe energji” me 4.0 për qind, pasuar nga grupet “Pije alkoolike dhe duhan” me 2.9 për qind, “Mobilje, pajisje shtëpie dhe mirëmbajtje e shtëpisë” me 2.8 për qind, “Argëtim dhe kulturë” me 2.6 për qind, “Hotele, kafene dhe restorante” me 2.3 për qind, Shërbimi arsimor” me 1.9 për qind, “Mallra dhe shërbime të ndryshme” me 1.6 për qind, “Ushqime dhe pije joalkoolike” me 1.5 për qind, “Komunikimi” me 1.3 për qind, “Transporti” me 0.8 për qind, “Veshje dhe këpucë” dhe “Shëndeti” me 0.6 për qind secili.

Brenda grupit të ushqimeve çmimet e nëngrupit “Qumësht, djathë dhe vezë” patën një rritje me 4.9 për qind, pasuar nga nëngrupet “Vajra dhe yndyrna” me 4.6 për qind, “Peshk” me 3.3 për qind, “Mish” me 2.9 për qind, etj.

Krahasuar me muajin Tetor 2025, çmimet e grupit “Argëtim dhe kulturë” u ulën me 0.8 për qind, pasuar nga grupet “Veshje dhe këpucë” me 0.5 për qind, “Ushqime dhe pije joalkoolike” me 0.4 për qind, “Transporti” me 0.2 për qind.

Nga ana tjetër çmimet e grupeve “Komunikimi” dhe “Mobilje, pajisje shtëpie dhe mirëmbajtje e shtëpisë” me 0.1 për qind secili./Monitor/