Informohet Gërvalla, Arifi: Diskriminimi i shqiptarëve në Serbi…

Kryetari i Komunës së Bujanocit, Nagip Arifi, ka informuar sot ministren e Punëve të Jashtme dhe Diasporës të Kosovës, Donika Gërvalla, për diskriminimin e vazhdueshëm të shqiptarëve nga Qeveria e Serbisë në arsim, zhvillim ekonomik, shëndetësi e me theks të veçantë pasivizimin e adresave të shqiptarëve si dhe mosnjohja e diplomave të fituara në Universitetin e Republikës së Kosovës.

“Sot, kisha nderin që ta pres zëvendëskryministren njëkohësisht Ministren e Punëve të Jashtme të Republikës së Kosovës znj. Donika Gërvalla. Ministren Gërvalla e njoftova me gjendjen politike, sociale e ekonomike të qytetarëve tanë, si dhe diskriminimin e vazhdueshëm nga Qeveria qendrore në arsim, zhvillim ekonomik, shëndetësi, me theks të veçantë pasivizimin e adresave të shqiptarëve, si dhe mos njohja e diplomave të fituara në Universitetet e Republikës së Kosovës,” thekson Nagip Arifi pas takimit që zhivlloi me Donika Gërvallën e cila po qëndron në vizitë zyrtare në Luginën e Preshevës ndërsa përfundoi:

“U dakorduam që bashkëpunimi jonë të vazhdojë edhe në të ardhmen deri në gjetjen e zgjidhjes së problemeve.”