Instituti, në Kinë vitin e ardhshëm nga koronavirusi mund të vdesin mbi 1 milion njerëz

Vendimi për heqjen e masave për parandalimin e koronavirusit në Kinë mund të rezultoi me një shpërthim të rasteve të infeksionit me mbi një milion vdekje në vitin 2023. Ky është parashikimi më i ri i Institutit amerikan për vlerësimin e shëndetit, IHME.

Sipas parashikimeve të këtij instituti, numri i rasteve me koronavirus në Kinë mund ta arrij kulmin më 1 Prill, ku numri i të vdekurve mund të shkoj deri në 322.000 njerëz, ndërsa rreth 1/3 e popullsisë kineze mund të infketohet, tha drejtori i IHME, Christopher Murray.

Drejtoria kombëtare e shëndetësisë në Kinë nuk ka raportuar për asnjë rast të vdekjes që nga heqja e masave të kufizimit për shkak të koronavirusit. Rasti i fundit zyrtar i vdekjes është raportuar më 3 dhjetor. Gjithsej raste të vdekjes në pandemi ishin 5235.